Politike

Deputeti Lefter Maliqi kërkon shkarkimin e drejtorit Agim Ismaili: Po cënon të drejtat e të burgosurve, era krim dhe korrups

8 Tetor 2020, 09:10 Nga DOSJA
Deputeti Lefter Maliqi kërkon shkarkimin e drejtorit Agim Ismaili: Po

TIRANË– Deputeti Lefter Maliqi ka kërkuar ditën e sotme që të shkarkohet Agim Ismaili, drejtori i Përgjithshëm i Burgjeve. Përmes një deklarate që mbajti për mediat, Maliqi shtoi se sistemi i burgjeve është i kalbur pasi po u cënon të drejtat, të gjithë të burgosurve.

Deputeti shtoi gjithashtu se në burgje vjen era krim, era korrupsion dhe se Presidenti Ilir Meta duhet të ngrihet kundër këtij regjimi.

“Jo më kot socialistët janë të zhgënjyer, do të ndodhë një Kirgistan i dytë, jam kundër qëndrimeve të buta të opozitës, ka frikë nga koalicioni, nga votat e popullit, Enveri i Rilindjes. Të gjithë në prill do ikin në kosh plehrash. Opozita e re të përdorur nga ky sekt i rilindjes, i bëj thirrje Metës që të ngrihemi në këmbë kundër këtij regjimi. Kjo është një mafie në krye të shtetit, janë shkatërruar njerëzit duke ndenjur në çadra. Sistemi i burgjeve që mbahet e fshehtë, vazhdon greva e urisë në Shkodër, Rrogozhinë, Peqin dhe 313. një nga kërkesat e tyre është shkarkimi i drejtorit të Përgjithshëm të Burgjeve. Ca po ndodh me burgjet, era krim, era korrupsion, i vetmi sistem që s’ka lidhje me PD, por me lidhje me krimin. 270 janë komanduar, çfarë dosjes, çfarë kasetash ka. Shkoni te 313, drejtor Burgu është nën komisar me gradën minimale, që nuk lejohet, ku drejton shefin e policisë që është komisar. Aktet korruptive në Burgje janë shumë të mëdha, kështu siç është ky drejtor, rilindasit kanë vendosur në krye të gjithë sistemin, njerëz që s’kanë lidhje me PS,”- u shpreh Maliqi.

Prej ditësh janë futur në grevë urie qindra të burgosur. Gjithçka nisi nga burgu i Peqinit, që përfundoi me shtrimin në spital të Kelment Balilit dhe Arbion Alikos. Më pas revoltës ju bashkuan të dënuarit në burgun e Reçit, Shënkollit dhe Rrogozhinës.

Përmes një letre, të burgosurit e sigurisë së lartë iu drejtuan ministres së Drejtësisë Etilda Gjonaj, Presidentit Ilir Meta, dhe kryeministrit Edi Rama teksa shkruanin se nuk pranojnë regjimin 41 bis. Ata kërkuan heqjen e dënimeve të përjetshme dhe përgjysmimin e dënimeve të të tjerëve. Kërkojnë rikthimin e takimit me familjarët dhe përmirësim të kushteve.

Përgjigje në mënyrë institucionale nuk kanë marrë, porn ë një dalje për mediat, Gjonaj u shpreh se nuk pret që të dënuarit të pranojnë kaq lehtë këtë regjim, por që duhet të mësohen. 

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike lefter maliqi lefter maliqi kerkon shkarkimin e ismailit lefter maliqi lefter maliqi kerkon shkarkimin e ismailit

Sondazh

Poll

Politike 8 Tetor 2020, 08:53

TIRANË- Ish-deputeti i Partisë Demokratike Endri Hasa, me anë të një postim në rrjetet sociale  ka shpërndarë një video të kryebashkiakut Erjon Veliaj, ku ...

MË SHUMË