Aktualitet

Holanda voton pro mocionit për rikthimin e vizave për Shqipërinë, fati në dorë të KE

16 Prill 2019, 13:07 Nga DOSJA
Holanda voton pro mocionit për rikthimin e vizave për

HOLANDË- Parlamenti Holandez,  ka votuar sot ‘PRO’  kërkesës së 5 grupeve parlamentare, VVD, CDA, SP, CU dhe PVV, kjo e fundit parti e ekstremit, që detyrojnë qeverinë t’i kërkojë Komisionit Europian rikthimin e vizave për Shqipërinë. 

Më poshtë është dokumenti që është hedhur në votim, ku arsyeja kryesore është rritja e kriminalitetit nga mafia shqiptare.

5 partitë që kërkuan riktimin e vizave në total kanë 92 deputetë, ndërsa ky vendim mund të miratohej edhe me shumicë të thjeshtë, thënë ndryshe me 76 vota nga 150 që ka në total Parlamenti i Holandës.

Partia VVD, CDA dhe CU janë 3 nga 4 partitë qeverisëse. Ministri i Jashtëm Holandez vjen nga Partia VVD, ndërsa Ministri Grapperhaus (që ishte në Shqipëri) vjen nga Partia CDA.

Vota pro rikthimit ditën e sotme, detyron Holandën të bëjë kërkesë në Komisionin Europian, për rikthimin e vizave. Po ashtu një votë e tillë, do të thotë një ‘JO’ e fortë për hapjen e negociatave në qershor. 

Çfarë thuhet në dokument:

“Dhoma,

pas dëgjimit të diskutimit,

duke vënë në dukje se ka pasur një rritje të ndjeshme të kriminalitetit nga mafia shqiptare në Holandë;

këto organizata kriminale keqpërdorin mundësia për të udhëtuar pa viza përmes Evropës dhe me të, të zgjerojë më tej rrjetin e kontrabandës;

duke vënë në dukje se pezullimi i viza për Shqipërinë u detyrua nga kushte të ndryshme, duke përfshirë parandalimin e krimit ndërkufitar;

i kërkojmë qeverisë të paraqesë kërkesën në Komisionin Evropian për të filluar procedurën e frenimit emergjent për liberalizimin e vizave. Sillni përkohësisht Shqipërinë dhe informoni Shtëpinë për progress dhe vazhdojmë me rendin e ditës”.
(B.B/ Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet holanda voton rikthimi i vizave per shqiperine holanda voton rikthimi i vizave per shqiperine

Sondazh

Poll

MË SHUMË