Aktualitet

EKSKLUZIVE/ U shkarkua nga Vettingu, Artan Lazaj: KPK punon me disa standarde, përplasja ime me Brunilda Bekteshin

14 Prill 2019, 13:28 Nga DOSJA
EKSKLUZIVE/ U shkarkua nga Vettingu, Artan Lazaj: KPK punon me disa standarde,

TIRANË- Ish-gjyqtari që është shkarkuar nga Vettingu, Artan Lazaj, edne është pa punë shprehet kundër vendimit të marrë nga Komisioni i Pavarur i Kualifikimit. Në një intervistë për Dosja.al ai shprehet se KPK po funksionon me disa standarde dhe ndihet i befasuar nga procedura e ndjekur për shkarkimin e gjyqtarëve dhe prokurorëve.

“Nuk po respektojnë kriteret Kushtetuese, për vlerësimin e tre kritereve, pasurinë, profesionalizmin dhe itegritetin. Me këtë lloj profesionalizmi që kanë këto Komisionerë, po e transferojnë mosbesimin e publikut nga Drejtësia të Komisionet e Rivlerësimit dhe ONM, fakt i provuar së fundmi me sondazhet e kryera dhe reagimin e shoqerisë civile”, shprehet ai.

PJESË NGA INTERVISTA

Le të flasim​ pak​ për vendimin e Komisioneve të Vettingut. Janë renditur 17 shkelje në atë vendim kundër jush…

Në fakt​ nuk më pëlqen​ të flasë për vendimet e mia. Kështu që le të flasim për vendimet e marra nga KPK dhe KPA, për kolegët e mij. Më pak fjalë unë mendoj se disa kolegë gjyqtarë dhe prokurorë duhet të mos kualifikoheshin dhe shumë të tjerë duhet të kualifikoheshin. Këto Komisione, së pari po gjykojnë me shumë standarte dhe po befasohemi për procedurën e ndjekur në hetim dhe gjykim, si pasojë e mosrespektimit të një standardi, atë të drejtësisë. Nuk po respektojnë kriteret Kushtetuese, për vlerësimin e tre kritereve, pasurinë, profesionalizmin dhe itegritetin. Me këtë lloj profesionalizmi që kanë këto Komisionerë, po e transferojnë mosbesimin e publikut nga Drejtësia të Komisionet e Rivlerësimit dhe ONM, fakt i provuar së fundmi me sondazhet e kryera dhe reagimin e shoqerisë civile. Procesi i Rivlerësimit të Gjyqësorit po vuan në mënyrën më të keqe, nga po ato problematika që është akuzuar sistemi i drejtësisë, cilësia, transparenca, paaftësia, vonesat në hetim, gjykim, arsyetim vendimesh dhe së fundmi korrupsioni. Unë mendoj se në rradhët e Komisionit, me ç’ka kam dëgjuar dhe perceptuar ekziston një korrupsion por ndryshe nga gjyqësori, ky mbrohet me truproja shtetërore. Si përfundim, Kryeministri ynë doktor, trupin tonë të sëmurë kanceroz, sipas tij, jo vetëm që nuk do ta shëroj, por do ta vdesë shumë shpejt.

Kërkuat largimin e Brunilda Bekteshin për konflikt interesi. Ju keni qenë gjyqtar në një gjyq të saj të mëparshëm. A mund të na tregoni çfarë nga ndodhur në atë gjyq?

Është e vërtetë. Gjatë seancave të zhvilluara, pamja e saj më kujtonte dike, por reagimi jo profesional i saj, ne drejtimin e seancave, më bëri të lexoj CV e saj në faqen e KPK. Nga leximi konstatova së kjo, paskësh punuar më parë si juriste e shquar në OSHEE dhe kjo më bëri të rrëmoj në arkivën e Gjykatës, për të parë nëse ka kryer ndonjë proces gjyqësor me mua. Si rezultat, kjo Komisionere, ka qenë përfaqësuese për llogari të OSHEE-së, në një kryesim timin, ku në të vetmen seancë që u paraqit, ka kërkuar që unë të përjashtohesha nga ky gjykim. Kërkesa e mësipërme u rrëzua nga një trup tjetër gjykues, padia e OSHEE-sha, u rrezua, ndaj vendimit u bë ankim, nga kjo juriste në Gjykatën e Apelit e cila e la në fuqi, vendimin e shpallur nga unë.

Kërkesa për përjashtimin e kësaj Komisionere u paraqit me shkakun se si pasoj e ndodhisë së mësipërme, ajo me mua kishte konflikt të hapur interesi. Më tej veprimet e saj në lidhje me vlerësimin e kësaj kërkesë dihen, ku si pasoj e shkeljeve të hapura të saj dhe Komisionerëve të tjerë, KPA e shpalli vendimin e tyre të pavlefshëm. Mua pak ditë më parë më ka mberritur vendimi i arsyetuar i KPA, me shumë vonesë. Pasi e kam studiuar me vëmendje qëndrimin e mbajtur në këtë vendim, do të marrë së shpejti iniciativën për të nisur procedurën për përgjegjësinë disiplinore të Komisionerëve të KPK, anetarë të trupës sime gjykuese, si dhe do dorëzoj në Organin e Procedimit Penal, kërkesë për fillimin e hetimeve në ngarkim të tyre për veprën penale të “Shpërdorimit të detyrës”.

Kërkesa juaj për largimin e Bekteshit u vlerësua si një tentativë për të shtyrë procesin. Pse nuk e bëtë që në fillim të procesit kërkesën?

Nuk kam qenë unë që kam dashur të shtyj procesin, por keta Komisionerë. Komisioni i ka pasur të gjitha mundësitë që të gjitha kërkesat e mija ti vlerësonte në ditën e parë të gjykimit dhe jo të shtynte seancat. Komisioni e ka pasur të gjithë mundesinë që shpalljen e vendimit përfundimtar ta kryente maksimumi në ditën e pestë, maksimumi që lejon Kodi i Procedurës Civile, por këtë vendim e shpalli pas 11 ditesh, të paarsyetuar, duke shkelur rëndë Kodin e Procedurës Civile.

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet artan laze brunilda bekteshi komisioni i pavarur i kualifikimit vettingu artan laze brunilda bekteshi komisioni i pavarur i kualifikimit vettingu

Sondazh

Poll

MË SHUMË