Sport

VIDEO/Napoli e nis mbarë sezonin, mund Parmën në transfertë, Hysaj 90 minuta ndërsa sulmuesi i Napolit shënon rekord

20 Shtator 2020, 12:47 Nga DOSJA
VIDEO/Napoli e nis mbarë sezonin, mund Parmën në transfertë,

ITALI-Napoli e ka nisur në mënyrë perfekte sezonin e ri në kampionatin italian, pasi ia doli të marrë një 3-pikësh falë fitores me shifrat 0-2 në transfertën ndaj Parmës në “Ennio Tardini”, ku ishin të pranishëm 1000 tifozë sipas vendimit të ri.Pjesa e parë ishte e balancuar me rezultatin që përfundoi në 0-0.Me të njëjtin ritëm nisi edhe pjesa e dytë, por deri në minutën e 61-të, kur Gattuso vendosi të aktivizojë blerjen më të shtrenjtë në historinë e Napolit, Victor Osimhen në vendin e Diego Demme.

 

Rezultati ishte i menjëhershëm, sepse vetëm dy minuta më vonë Osimhen u shfaq rrezikshëm në zonë dhe më pas i krijoi të gjithë hapësirën e nevojshme belgut Dries Mertens, që të shënonte golin e avantazhit.Në minutën e 77’ erdhi edhe goli i sigurisë, i shënuar nga Lorenzo Insigne.Ky i fundit luante sot ndeshjen numër 350 me fanellën e Napolit, duke u bërë futbollisti i pestë në historinë e këtij klubi, që prej këtë shifër ndeshjesh të luajtura, por rekordi i Hamsik me 520 ndeshje është ende larg.

Vlen të theksohet se brenda sfidës kishte edhe një derbi të vogël shqiptar, duke qenë se te Napoli bëjnë pjesë Hysaj e Rrahmani, ndërsa te Parma Dermaku dhe mesfushori i ri i talentuar Redi Kasa, por vetëm kapiteni i Kombëtares Shqiptare luajti për 90 minuta, ndërsa tre të tjerët e panë ndeshjen nga pankina.

E.Ç (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport dermaku hysaj insigne napoli parma dermaku hysaj insigne napoli parma

Sondazh

Poll

MË SHUMË