Insights

SHKELJET-FLAGRANTE/ VKM-të për hapjen e kazinove, Rama fshehu vendimin për 7 ditë dhe më pas e botoi në Fletoren Zyrtare,

9 Shtator 2020, 15:14 Nga DOSJA

TIRANË- Dosja.al u informua disa ditë më parë se në mbledhjen e datës 2 shtator 2020, qeveria kishte vendosur rihapjen e disa kazinove në Tiranë. Informacioni i pakonfirmuar u kthye në një vendim zyrtar, që qeveria e fshehu në Vendimet Zyrtare të Publikuara më datë 2 shtator, por u publikua 7 ditë me vonesë pas botimit në Fletoren Zyrtare, duke hyrë menjëherë në fuqi.

Por çfarë ndodhi në të vërtetë?

Ne kërkuam informacion zyrtarisht disa ditë më parë në zyrën e Shtypit në Kryeministri, në lidhje me Vendimet e Këshillit të Ministrave të datës 2 shtator 2020. Por, nuk morëm asnjë përgjigje. Në verifikimin elementar në faqen e kryeministrisë, aty ku botohen çdo javë VKM-të e miratuara në mbledhjet e qeverisë, siç mund të shihni edhe në foto, nuk ka asnjë rresht ku të përmendet fjala “kazino” apo lojëra fati, e jo më vendim i plotë për rihapjen. (KLIKO KËTU).

Por sot, më 9 shtator 2020, rezulton se qeveria ka dërguar për botim në Fletoren Zyrtare të një VKM-je, që siç mund të shihet edhe në foto, është miratuar në mbledhjen e datës 2 shtator, por është fshehur. Ky vendim asnjëherë nuk u publikua zyrtarisht nga qeveria, deri në momentin që mori fuqi zyrtarisht.

Por kjo nuk është shkelja e vetme.

Këto dy VKM, të miratuara fshehurazi e të publikuara 7 ditë me vonesë, bien ndesh me vetë ligjin e miratuar nga qeveria në dhjetor të vitit 2018, në lidhje me organizimin e lojërave të fatit. (Lexo këtu).

Ky ligj, i cili u miratua në parlament, vendosi rregulla të tjera për funksionimin e lojërave të fatit. Për rrjedhojë, ligji ndaloi çdo kazino brenda zonave urbane, duke lejuar vetëm kazinotë në resortet me 5 yje. Kushtet e ushtrimit të aktivitetit të kazinove ishin të qarta, duke lejuar vetëm hotelet “brand” jashtë qyteteve. Ndërsa VKM-të e botuara sot në FZ, lejojnë kazinotë në zonat urbane, e brenda Tiranës, duke shkelur haptazi ligjin e miratuar në parlament. Procedura në këtë rast do të duhet sërish të kalonte në parlament, për të bërë ndryshimet, e miratimin e tyre.

Por pse nxitoi Rama për të nxjerrë dy VKM, për hapjen e kazinove e më konkretisht brenda Tiranës, mu në qendër të kryeqytetit? A fshihen pas këtij vendimi interesa të tjera?!

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

factcheck factcheck edi rama rihapja e kazinove shkelja e ligjit per kazinote edi rama rihapja e kazinove shkelja e ligjit per kazinote

Sondazh

Poll

Insights 8 Shtator 2020, 13:50

TIRANË– Kryeministri Edi Rama dha ultimatum në takimin që pati me kryetarët e Bashkive disa ditë më parë, ku iu tha se çdo emërim drejtorësh do të k...