RUSI- Rusia të martën u bë vendi i parë që aprovoi një vaksinë kundër koronavirusit, një veprim që u prit me skepticizëm nga e gjithë bota pasi testimi ka përfshirë vetëm dhjetëra njerëz. Presidenti Vladimir Putin miratoi njoftimin e Ministrisë së Shëndetësisë dhe tha se njëra nga dy vajzat e tij tashmë ishte e injektuar me vaksinën.
Ai tha se vaksina iu nënshtrua testeve të nevojshme dhe siguron imunitet të qëndrueshëm ndaj koronavirusit, megjithëse autoritetet ruse nuk kanë ofruar asnjë provë për të mbështetur pretendimet e sigurisë ose efektivitetit. Sidoqoftë, shkencëtarët në Rusi dhe vendet e tjera kanë ngritur alarm duke thënë se nxitimi për të ofruar vaksinën para testimit të fazës përfundimtare duhet të anulohet pasi sipas tyre mund të shkaktojë efekte anësore.
Sipas shkencëtarëve të huaj vaksina duhet të kalojë edhe fazën e tretë dhe se duhet të testohen mijëra njerëz. Sipas tyre kjo është mënyra e vetme për të provuar nëse një vaksinë eksperimentale është e sigurt dhe me të vërtetë funksionon.
“Miratimi që u dha ditën e sotme nuk do ta bëjë Rusinë udhëheqës në garë, thjesht do t’i ekspozojë konsumatorët e vaksinës ndaj rrezikut të panevojshëm,” tha Shoqata e Organizatave të Provimeve Klinike të Rusisë.
Ndërsa zyrtarët rusë kanë thënë që prodhimi në shkallë të gjerë i vaksinës nuk ishte planifikuar deri në shtator. Zëvendëskryeministrja Tatyana Golikova tha që vaksinimi i mjekëve mund të fillojë qysh në këtë muaj. Zyrtarët thonë se ata do të monitorohen nga afër pas injeksioneve.
“Ne presim që dhjetëra mijëra vullnetarë të vaksinohen brenda muajve të ardhshëm, ” tha Kirill Dmitriev, shefi ekzekutiv i Fondit të Investimeve Direkte.
Mjeku, Francois Balloux, ekspert në Institutin e Gjenetikës në Kolegjin Universitar të Londrës, tha se ky njoftim është veprim i pamatur dhe qesharak.
“Vaksinimi në masë me një vaksinë të patestuar mirë është joetik. Çdo problem me fushatën e vaksinimit në Rusi mund të shkaktojë efekte negative në shëndet po ashtu në skepticizmin e njerëzve që të vaksinohen”, tha ai.
Komenteve të tij u bëri jehonë edhe profesori, Danny Altman nga Kolegji Imperial në Londër, i cili theksoi se dëmi kolateral nga lansimi i ndonjë vaksine që ende nuk dihet sesa është e sigurt edhe efikase “do të përkeqësonte problemet tona të pakapërcyeshme”.
Doktori, Peter Kremsner, ekspert në Spitalin Universitar në Tuebingen të Gjermanisë, tha se Rusia ka bërë një veprim të pamenduar mirë.
“Normalisht duhet një numër i madh i njerëzve të testohen para aprovimit të vaksinës”, tha ai. Mendoj se është e pamatur të miratohet një vaksinë pa u testuar”, shtoi ai.
Ekspertët thonë se mungesa e të dhënave për sigurinë, përgjigjen imunitare dhe parandalimin e infeksionit i lë shkencëtarët dhe autoritetet shëndetësore në botë, në errësirë.
Burimi:abcnews.
(A.K.Dosja.al)
1 vit nga zgjedhjet e 25 prillit si e shikoni gjendjen e vendit:
SHBA– Ish-shtëpia e Jennifer Aniston dhe Brad Pitt në Beverly Hills është rishitur për 32.5 milionë dollarë.Aniston dhe Pitt e blenë në atë kohë pronën pë...
TIRANE– Partnerja e Ledri Vulës dhe bashkëshortja e Ledion Liços, mbajnë të njëjtin emër dhe mbiemër- Sara Hoxha.Dy Sarat janë krenare që ndajnë të njëjt...
SHBA- Edhe Selena Gomez, njësoj si Kylie Jenner dhe Rihanna do hapë linjën e saj kozmetike, duke u bërë direkt rivale me vajzat e njohura të shoëbizit. Pasi bef...
ITALI– Dan Bilzerian së fundmi po relaksohet në brigjet italiane. I ndodhur në Capri, ylli i njohur në të gjithë botën për festat e shfrenuara, shfaqet i shtrir...
TIRANË– Jo të gjithë njerëzve u buzëqesh fati në dashuri. Edhe kjo fushë e jetës kategorizohet me anët e saj negative dhe me uljet e zbritjet e saj.D...
KOSOVE– Këngëtarja Morena Taraku njihet si një ndër personazhet shqiptare që eksperimenton shumë me pamjen e saj të jashtme. Shpesh here e shikojmë me flo...
SHBA– Kaye West konfuzoi shumë persona në lidhje me kandidimin e tij si Presidenti i ardhshëm i Shteteve të Bashkuara të Amerikës. Tani duket se reperi po...
KOSOVE- Reperi i njohur shqiptar, Sparksi ka propozuar për martesë të dashurën e tij.Dhe këtë vendosi ta bëjë në festën e ditëlindjes së vet, një natë më parë ...
VLORE– Moderatorja Arbana Osmani është në pritje të ëmbël për herë të dytë dhe duket se po e shijon në maksimum këtë periudhë. Aktualisht ajo ndodhet me p...
SHBA– Aktori amerikan Raymond G. Allen ka ndërruar jetë ditën e sotme.Ka qënë familja e aktorit të ndjerë ajo e cila ka njoftuar se Allen ka vdekur në sht...