Bota

Askush nuk e di saktësisht pse nuk është goditur kaq shumë nga Covid-19 Tajlanda

17 Korrik 2020, 18:50 Nga DOSJA
Askush nuk e di saktësisht pse nuk është goditur kaq shumë

TAJLANDË– A është distancimi social i ngulitur në kulturën Thai,  zakon i përshëndetjes së të tjerëve me një urim, me lëvizjen e duarve, sesa një përqafim i plotë siç bën pjesa më e madhe e botës, që ka penguar transmetimin koronavirusit në këtë vend?

A ekziston një komponent gjenetik në të cilin sistemi imunitar i Thais dhe të tjerët në rajonin e lumit Mekong janë më rezistent ndaj koronavirusit? Apo është ndonjë alkimi nga të gjithë këta faktorë që ka izoluar këtë vend prej 70 milion banorësh?

Një gjë është e sigurt. Pavarësisht se ka një fluks të madh të vizitorëve të huaj në fillim të vitit nga vendet e goditura keq nga koronavirusi, Tajlanda ka regjistruar më pak se 3,240 raste dhe 58 vdekje deri më tani.  Që nga e enjtja, nuk ka pasur  raste të transmetimit lokal për rreth shtatë javë.

Shkalla e ulët e infeksionit në Tajlandë duket se ndahet nga vendet e tjera në pellgun e lumit Mekong. Vietnami nuk ka regjistruar një vdekje të vetme dhe ka regjistruar rreth tre muaj pa asnjë rast të virusit në komunitet. Myanmar ka konfirmuar 336 raste të virusit, Kamboxhia 166 dhe Laos vetëm 19.

Yunnan, provinca kineze jugperëndimore përmes së cilës rrjedh Mekong përpara se të përhapet në Azinë Juglindore, kishte më pak se 190 raste. Por asnjë prej tyre nuk është aktiv tani.

“Unë nuk mendoj se ka të bëjë vetëm me imunitetin ose gjenetikën.”- tha Dr. Taëeesin Visanuyothin, zëdhënësi Covid-19 për Ministrinë e Shëndetit Publik të Tajlandës.

“Ka të bëjë me kulturën. Njerëzit Thai nuk kanë kontakt me trupin kur përshëndetemi njëri-tjetrin. Kështu janë përshëndetur vendet në rajonin e Mekong.”- shtoi Dr. Taweesin.

Jo gjithmonë dukej kaq mirë sa tani.  Në janar, Tajlanda konfirmoi rastin e parë në botë të koronavirusit jashtë Kinës, ku virusi shpërtheu edhe në Wuhan.

Një valë tjetër e infeksioneve u ngrit nga njerëzit që vinin nga Japonia, Evropa dhe Shtetet e Bashkuara. Të gjitha rastet e fundit të Tajlandës kanë qenë në mesin e njerëzve që kanë mbërritur nga jashtë, dhe jo vendas.

Doktor Ëiput Phoolcharoen, një ekspert i shëndetit publik në Universitetin Chulalongkorn në Bangkok i cili po heton një shpërthim të koronavirusit në Pattani në Tajlandën jugore, vuri në dukje se më shumë se 90 përqind e atyre që testuan pozitivë ishin asimptomatikë, shumë më të lartë se sa janë rastet normale.

“Ajo që ne po studiojmë tani është sistemi imunitar.”- tha ai.

Doktor Ëiput tha se Thais dhe njerëzit e tjerë nga kjo pjesë e Azisë Juglindore ishin më të ndjeshëm ndaj disa rasteve serioze të etheve të “dengos”, një virus i shkaktuar nga mushkonjat.

“Nëse sistemet tona imunitare ndaj dengës janë kaq të këqija, pse nuk mund të jetë më i mirë sistemi ynë imunitar kundër Covid?”-ai pyeti.

Megjithëse spitalet e Tajlandës nuk janë tejmbushur nga pacientët me koronavirus, ekonomia e varur nga turizmi i vendit është shkatërruar.

Në prill, Tajlanda ndaloi pothuajse të gjitha fluturimet në hyrje, mes bllokimit të virusit.

Fondi Monetar Ndërkombëtar parashikon që ekonomia Thai do të tkurret me të paktën 6.5 përqind këtë vit. Më shumë se tetë milion Thais mund të humbasin punën ose të ardhurat e tyre në vitin 2020, ka thënë Banka Botërore.

Familjet Thai kanë disa nga ngarkesat më të larta të borxhit në Azi, dhe më të varfërit rreshtohen në tempujt Budistë për të marrë ushqim.

Popullata e madhe e punëtorëve migrantë në vend, shumë nga Myanmar dhe Kamboxhia fqinje, po dëmtohen shumë nga virusi.

“Tani është kur njerëzit duan më shumë ndihmë sepse ka kaluar kaq shumë kohë me izolimin nga pandemia nuk do të bëhet më mirë.”- tha Znj Natalie.

Një ndjenjë e normalitetit është rikthyer kohët e fundit në Tajlandë. Shkollat ​​janë rihapur me fëmijë që mbajnë maska në fytyrë. Kujtojmë se festimet e Vitit të Ri Thai u anuluan në prill, ku shkaktuan një ngërç në turizmin vendas.

Këtë javë, një pilot ushtarak egjiptian u konfirmua se kishte rezultuar pozitiv për virusin. Disa shkolla në zonë janë mbyllur sërish. Dy aktivistë që protestuan kundër trajtimit të qeverisë për shkeljen e karantinës u arrestuan të mërkurën për shkeljen e dekretit të urgjencës së Tajlandës.

Përshtatur nga  NYTIMES

A.C/Dosja.al

1 vit nga zgjedhjet e 25 prillit si e shikoni gjendjen e vendit:

View Results

bota bota koronavirusi ne tajlande koronavirusi ne tajlande

Sondazh

Poll

Bota 17 Korrik 2020, 18:34

SHBA- Vendimi i një gjykatësi të Miçiganit për të dërguar një vajzë 15-vjeçare në paraburgim pasi kjo e fundit nuk kishte marrë pjesë në mësimin o...

MË SHUMË