Aktualitet

“Nuk justifikoi pasurinë”, KPA shkarkon përfundimsht gjyqtari Agron Vavla

15 Korrik 2020, 17:01 Nga DOSJA
“Nuk justifikoi pasurinë”, KPA shkarkon përfundimsht

TIRANË– Kolegji i Posaçëm i Apelimit ka marrë sot vendimin për shkarkimin nga detyra të gjyqtarin Agron Valva. Në një njoftim për mediat, bëhet me dije se KPA ka lënë në fuqi vendimin e marrë nga Komisioni i Pavarur i Kualifikimit në vitin 2018.

“Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Natasha Mulaj relatore, Albana Shtylla, Luan Daci, Sokol Çomo, anëtarë, shpalli vendimin për çështjen (JR) nr.14/2019, datë 04.03.2019, që lidhet me ankimin e subjektit të rivlerësimit Agron Vavla, kundër vendimit nr. 94, datë 21.12.2018 të Komisionit të Pavarur të Kualifikimit.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Lënien në fuqi të vendimit nr. 94, datë 21.12.2018 të Komisionit të Pavarur të Kualifikimit, që i përket subjektit të rivlerësimit Agron Vavla. Ky vendim është përfundimtar dhe ka efekt të menjëhershëm” shkruhet në njoftim.

KPK në dhjetor të vitit 2018 vendosi të shkarkonte Agron Vavlën, kryetar i Gjykatës së Beratit. Vavla, i cili u hetua nga trupa gjykuese  e përbërë prej Firdes Shuli, Roland Ilia dhe Etleda Çiftja, nuk arriti sipas hetimit të justifikonte burimin e ligjshëm të pasurisë. Vavla është emëruar gjyqtar në vitin 1995. Pjesën më të madhe të karrierës së tij ai ka punuar gjyqtar në Gjykatën e Beratit, ndërkohë që në vitin 2014 është emëruar kryetar gjykate.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet agron vavla kolegji i posaçem i apelimit vettingu i gjyqtareve e prokuroreve agron vavla kolegji i posaçem i apelimit vettingu i gjyqtareve e prokuroreve

Sondazh

Poll

Aktualitet 15 Korrik 2020, 16:47

TIRANË- Ministria e Shëndetësisë ka publikuar sot një udhëzim se si mund të krijohen maskat në kushte shtëpie. Në një postim në mediat sociale, tregohen të...

MË SHUMË