Aktualitet

Akuzoheshin për vjedhjen e 100 pasaportave, gjykata pushon çështjen për ambasadoren Hobdari dhe Konsullin Gjikuria

9 Korrik 2020, 13:25 Nga DOSJA
Akuzoheshin për vjedhjen e 100 pasaportave, gjykata pushon

TIRANË- Gjykata e Shkallës së Parë Tiranë ka pushuar çështjen për vjedhjen e pasaportave në ambasadën shqiptare në Greqi. Në vendim thuhet se është pushuar hetimi ndaj ambasadores Ardiana Hobdari, e cila u shkarkua një ditë më parë nga ministri Gent Cakaj.

Tashmë Hobdari dhe Konsullit i përgjithshëm në Janinë, Pervin Gjikuria, nuk do të jenë më nën akuzë “Shpërdorim detyre” për rastin e vjedhjes së 100 pasaportave biometrike të shtetasve shqiptarë që jetojnë në Greqi.

Gjykata mësohet se vendimin e ka marrë disa ditë më parë, ndaj dhe Cakaj mori vendimin për shkarkimin e disa zyrtarëve në ambasadën në Athinë si dhe Konsullin e Përgjithshëm në Janinë.

“Në përfundim, ajo çka është më e rëndësishme është mungesa e lidhjes shkak-pasojë mes detyrimeve të ambasadores Hobdari, bllokimit të pasaportave nga autoritetet doganore greke, si dhe vjedhjes së tyre. Në lidhje me bllokimin e pasaportave nga ana e autoriteteve doganore greke është bërë shkak mosrespektimit i Konventës së Vjenës, fakt ky që është audituar nga Ministria më parë dhe është konsideruar i rregullt”, është kjo një pjesë e vendimit të gjykatës.

Më tej po togat e zeza kanë arsyetuar se vjedhja e pasaportave nuk janë kryer për shkak të shkejeve të bëra nga ambasaodorja dhe ajo nuk ka asnjë përgjegjësi.

“Në lidhje me vjedhjen e pasaportave, bëjmë me dije se vjedhja është kryer në momentin që transporti po kryhej në përputhje me Konventën e Vjenës, pasi ishte marrë përsipër nga konsulli me një automjet me targa diplomatike. Pra, si bllokimi, po ashtu edhe vjedhja, nuk janë kryer për shkak të shkeljes së ndonjë dispozite nga ana e ambasadores Adriana Hobdari”, vijon më tej vendimi.

VJEDHJA E PASAPORTAVE DHE SHKARKIMI

Vjedhja e 100 pasaportave në Greqi është bërë në shkurt të vitit 2019. Në atë kohë u raportua se pasaportat u transportuan nga Shqipëria në Greqi me pako të thjeshtë. Në çantë ishin 300 dokumente dhe u tranportuar nga Konsulli i Janinës, Pervin Gjikuria. Konsulli kur mbërriti në Athinë la makiën në rrugën Asomaton në qendër të Athinës, autorët e panjohur vodhën 100 nga 300 pasaportat.

Kjo ngjarje u komentuar gjerësisht në atë kohë, por Cakaj veproi vetëm një ditë më parë duke urdhëruar shkarkimin e ambasadores së Shqipërisë në Greqi, Adriana Hobdari, si dhe konsulli i Shqipërisë në Janinë, Pervin Gjikuria. Burime për Dosja.al shkarkimi i Hobdarit dhe një pjese të stafit të saj nuk ka ardhur vetëm për këtë çëshjte, por ka pasur dhe përplasje të tjera. 

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet ardiana hobdari gent cakaj pervin gjikuria vjedhja e pasaportave shqiptare ardiana hobdari gent cakaj pervin gjikuria vjedhja e pasaportave shqiptare

Sondazh

Poll

Aktualitet 9 Korrik 2020, 12:53

TIRANË–  Petrit Bylykbashi një pacient i infektuar për të dytën herë rradhazi  nga koronavirusi ka folur rreth kësaj përvojë të vështirë që i është dashur ...

MË SHUMË