SHBA– Ditën e sotme në CNN, gazetari i njohur amerikan Carl Bernstein, ka botuar një artikull në të cilin bëhen publike sekrete të shumta të Presidentit amerikan Donald Trump.
Nga qindra biseda telefonike që Trump ka bërë me liderët ndërkombëtar, gazetari ka arritur të sigurojë disa prej transkripteve të bisedave që Donald Trump ka zhvilluar me liderët më të fuqishëm të botës.
Mes liderëve që Trump ka biseduar përmes telefonit, janë: Presidenti rus Vladimir Putin, Kancelarja gjermane Angela Merkel, Ish-kryeministrja britanike Theresa May, gjithashtu janë dëgjuar edhe biseda me vajzën e tij Ivanka, teksa kanë diskutuar për bashkëshortin e saj dhe rolin e tij në qeverinë amerikane.
Gjatë bisedave në artikullin e CNN thuhet se Trump ka vlerësuar maksimalisht ndryshe nga gjithë liderët e tjerë, Presidentin e Rusisë Vladimir Putin, në mënyrë që të merrte me çdo kusht miratimin e këtij të fundit.
Burimet e CNN thanë që në bisedën mes Putinit dhe Trump ka dalë në pah dëshira e Presidentit amerikan për t’i dhënë fund pranisë ushtarake amerikane në Afganistan, por ata nuk përmendën diskutime pretendimet e Talibanëve.
Gjithashtu gjatë bisedës, në momentin kur një prej këshilltareve i kujton se kush është Putin, një ish-spiun i regjur i KGB-së së famshme, Trump e injoron duke dëgjuar më shumë këshillat e vajzës dhe bashkëshortit të saj.
Përveç bisedës telefonike me Putin, mjaftë “tronditëse” janë edhe bisedat që Trump ka zhvilluar me Kancelaren Merkel. Sipas CNN raportohet se në një nga bisedat Trump e ka quajtuar Merkelin budallaqe, veprim jo hijshëm ky nga Presidenti i SHBA që ka çuar në rritjen e tensioneve dhe praktikisht prishjen e marrëdhënieve SHBA- Gjermani.
“Disa nga gjërat që ai i tha Angela Merkel janë thjesht të pabesueshme: ai e quajti atë” budallaçkë “dhe e akuzoi atë se ishte në xhepin e rusëve,”– ka deklaruar burimi i CNN.
E ndërkohë në bisedën me ish-kryeministren britanike Theresa May, Trump e ka cilësuar si një politikane shumë të dobët, gjatë njërës prej telefonatave që ka zhvilluar me të, ku iu është mburrur për pasurinë e tij, Kim Jong-ut të Koresë së Veriut dhe Mohamed bin Salman të Arabisë Saudite.
Gjithashtu Trump ka pasur kontakte të shpeshta dhe të ngushta edhe me Presidention e Turqisë Erdogan, por punonjësit e Shtëpisë së Bardhe u alarmuan pasi agjentët turq të sigurisë në Uashington po ndiqnin lëvizjet e Trump në mënyrë që Erdogan të dinte se kur të telefononte.
E në bisedat me Trump, Erdogan shfrytëzoi mungesën e njohurive të Presidentit Trump për Lindjen e Mesme dhe e përdori atë, por një prej momenteve kur Trump është acaruar me Erdogan, shkak është bërë arrestimi i një pastori amerikan në Turqi, por që u lirua më vonë.
Ndër të tjera në artikullin e CNN, raportohet se Trump dëgjon vetëm vajzën e tij dhe merr më shumë këshillat e sugjerimet e saj, por përveç Ivankës edhe burri i kësaj të fundit është një ndër personat që Trump i pranon sugjerimet.
Kujtojmë se publikimi i këtij raporti tronditës në prag të zgjedhjeve për president është një goditje e rëndë për Presidentin Trump. Ky raport vjen pas librit të ish-këshilltarit të tij të Sigurisë, John Bolton, që para disa ditësh shkaktoi shumë polemika në SHBA.
Burimi: CNN
A.C/Dosja.al
1 vit nga zgjedhjet e 25 prillit si e shikoni gjendjen e vendit:
KALIFORNI– Joseph DeAngelo, vrasësi serial 74-vjeçar në SHBA i ashtuquajturi “Vrasësi i Kalifornisë”, ka pranuar publikisht se ka kryer 13 ekzekutime, n...
GJENEVË--Të paktën 122 fëmijë përkatësisht rreth moshës 1 deri në 17 vjeç janë vrarë nga policia gjatë luftës kundër drogës të vitit 2016 e nisur ng...
KOSOVË-Besa është 55 vjeçe dhe këto 21 vitet e fundit ajo ka jetuar duke mbajtur të fshehtë një sekret. Fëmijët e saj nuk janë në dijeni të kësaj dh...
SHBA-Kemi parë shifra pafund, çdo ditë, por kanë qenë të rrallë ata që kanë treguar se si është të jesh me virusin e ri. Covid-19 na ka krijuar një botë ...
RUSI– Megjithatë, shumë mjekë rusë kanë shprehur zhgënjim për një vlerësim të ulët nga ana e publikut të sakrificave të tyre, dhe shprehin zemërim me qeve...
GJENEVË– Koronavirusi ka rreth gjysëm viti që ka shpërthyer në Kinë e prej më shumë se 3 muajsh ka përfshirë edhe mbi 200 shtete në mbarë globin. E në nj...
KINË- Një grip i ri, i ngjashëm me gripin e derrave që ka potencialin për t’u bërë pandemi është identifikuar në Kinë nga shkencëtarët. Nga mediat e huaja ...
Shtetet e Bashkuara të Amerikës janë ndër vendet më të prekura nga pandemia. Aktualisht në Shtetet e Bashkuara të Amerikës janë 2,681,811 të infektuar dhe janë...
KINË-Qeveria kineze ka miratuar një tjetër ligj që i jep fuqi Kinës për të vepruar mbi Hong Kongun. Në këtë mënyrë është thelluar frika për liritë e të g...
Gjermani– Kancelarja gjermane Angela Merkel pret sot (29.06.) Presidentin francez Emmanuel Macron për të diskutuar presidencën e ardhshme gjermane në BE, kjo në...
