Aktualitet

OFL iu dërgon formularin 3 të fortëve në Tiranë e Vlorë (EMRAT)

11 Qershor 2020, 10:09 Nga DOSJA
OFL iu dërgon formularin 3 të fortëve në Tiranë e

TIRANE– Operacioni Forca e Ligjit ka vijuar sot me dërgimin e formularëve për tri subjektet e radhës që kanë për detyrë për plotësojnë të dhënat për burimin e pasurisë së tyre. Kështu, sot OFL ka shënjestruar Orgest Ballën, Endrit Qyqen dhe Geno Lenën. Të tri këta të dënuar dhe nën hetim, duhet të dërgojnë brenda 48 orëve formularin e deklarimit të pasurisë së tyre.

NJOFTIMI I PLOTE: 

OFL, 11 qershor

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

– O. B., banues në Tiranë, i dënuar për veprën penale “Trafikim i lëndëve narkotike”;

– E. Q., banues në Tiranë, i dënuar për veprën penale “Shtrëngimi me anë të kanosjes ose dhunës për dhënien e pasurisë”, kryer në bashkëpunim;

– G. L., banues në Vlorë, për të cilin Gjykata e Rrethit Gjyqësor Vlorë ka vendosur masën e sigurisë “Arrest në burg” në mungesë, për veprat penale “Vrasja në rrethana cilësuese”, e kryer në bashkëpunim, e mbetur në tentativë dhe “Armëmbajtja pa leje”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet endrit qyqja geno lena orgest balla endrit qyqja geno lena orgest balla

Sondazh

Poll

MË SHUMË