TIRANË-Policia e Tiranës ka vënë në pranga 15 shtetas, njëri prej të cilëve ishte shpallur në kërkim, ndërsa janë proceduar edhe tre persona të tjerë. Këta shtetas akuzohen për vepra të ndryshme penale, si shpërndarja e lëndëve narkotike, kundërshtim i punonjësit të policisë, dhunim i faturuesit të OSHEE, dhunë në familje dhe vjedhje.
Njoftimi i policisë
Tiranë Vijon puna nga strukturat e Drejtorisë Vendore të Policisë Tiranë, për parandalimin, evidentimin dhe goditjen e paligjshmërisë.Gjatë 24 orëve të fundit janë vënë në pranga 15 shtetas, njëri prej të cilëve ishte shpallur në kërkim, si edhe janë proceduar penalisht 3 shtetas të tjerë. Shërbimet e Komisariatit Nr. 2, në bashkëpunim me Seksionin për Hetimin e Narkotikëve në DVP Tiranë, në vijim të goditjeve të njëpasnjëshme kundër aktivitetit kriminal në fushën e shpërndarjes së lëndëve narkotike, bazuar në informacionet e siguruara në rrugë operative nga burime të ndryshme, goditën një tjetër rast, duke vënë në pranga shtetasin E. G., 42 vjeç, i cili është kapur në flagrancë duke i dhënë një sasi lënde narkotike të dyshuar heroinë, shtetasit J. Gj. Gjatë kontrollit në banesën e shtetasit E. G. u gjet dhe u sekuestrua edhe një sasi lënde narkotike e dyshuar cannabis sativa. Në përfundim të veprimeve u procedua penalisht edhe shtetasi J. Gj. Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë, për veprën penale “Kundërshtimi i punonjësit të policisë së rendit publik”, i shtetasit E. C., 30 vjeç, si edhe u procedua penalisht shtetasi S. Sh., 23 vjeç, pasi kanë kundërshtuar punonjësit e Policisë gjatë shoqërimit për në Komisariat, për arsye verifikimi. Ndërkohë, nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit F. Gj., si edhe u procedua në gjendje të lirë shtetasi i mitur R. Gj., 17 vjeç, pasi në zonën e Institutit Bujqësor, kanë goditur për shkak të detyrës faturuesin e OSHEE-së dhe i kanë thyer atij aparatin matës. Po nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit E. A., 39 vjeç, pasi, për motive të dobëta dhe në prezencë të dy fëmijëve të mitur, ka dhunuar psikologjikisht bashkëshorten e tij. Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasit F. A., 37 vjeç, sepse në rrugën ”Ramazan Gaxherri”, në banesë, në mënyrë të vazhdueshme, ka ushtruar dhunë fizike dhe psikologjike ndaj bashkëshortes. mSpecialistët e Qarkullimit Rrugor bënë arrestimin në flagrancë të shtetasve: m-F. L., 22 vjeç, A. D., 33 vjeç, A. K., 21 vjeç dhe V. C., 19 vjeç, pasi u kapën në flagrancë duke drejtuar mjetet pa lejen përkatëse; m-D. D., 33 vjeç, E. M., 26 vjeç, R. I., 65 vjeç, P. K., 58 vjeç dhe T. T., 32 vjeç, pasi u kapën në flagrancë duke drejtuar mjetet në gjendje të dehur; Në vijim të punës për kapjen e personave të shpallur në kërkim, nga strukturat e DVP Tiranë është kapur dhe ndaluar shtetasi E. O., 45 vjeç, i shpallur në kërkim për veprat penale “Vjedhja” dhe “Mosbindja ndaj urdhrit të punonjësit të policisë“. Materialet i kaluan Prokurorisë së Rrethit Gjyqësor Tiranë, për veprime të mëtejshme.
(g.sh./dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Zbardhet e plotë dosja hetimore të operacionit “Zhuri” ku u vunë në pranga 2 pronarë hotelesh si edhe 5 shtetase që ushtronin prostitucion. Hetimet...
TIRANË- Gjykata Penale ka rrëzuar kërkesën për revokimin e masës për Izet Haxhinë. Izet Haxhia kërkoi lirimin nga burgu. Avokati i tij është shprehur, se p...
TIRANË- Avokatja e Popullit Erinda Ballanca prezantoi sot para Komisionit parlamentar të Ligjeve, gjetjet e Raportit Vjetor të institucionit për vitin 2019...
DURRËS- Policia e Durrësit ka njoftuar sot se ka vijuar operacionin e koduar “Parkingu” dhe ka vënë në pranga organizatorit, njëherazi edhe poseduesi i 38 ...
Prokuroria e Tiranës ka regjistruar procedim penal për punonjësin e policisë G.N., i cili pak javë më parë dhunoi djalin e aktores Zaida Çobo. Në vijim t...
DURRËS- Zbardhet dhe dokumentohet ngjarje e regjistruar mëngjesin e djeshëm në lagjen Nr.1 në Durrës. Burime për A2, bëjnë me dije se janë shoqëruar 2 shok...
TIRANË– Një ditë më parë, studiuesi i njohur shqiptar, Agron Fiço ka ndërruar jetë në moshën 89-vjeçare. Ai është një prej dijetarëve q...
TIRANË– Agim Basha, pedagog në Akademinë e Rendit ka analizuar mënyrën se si është sulmuar drejtori i Policisë së Shtetit, Ardi Veliu. Përmes një statusi n...
TIRANË- Qytetarët e Tiranës kanë nisur një protestë të heshtur, pas zbulimit të lajmit se një 15-vjeçare shantazhohej dhe përdhunohej nga roja i shk...