Aktualitet

VIDEO/ KPP gjen parregullsi në 250 tendera me vlerë 70 milionë €

22 Maj 2020, 17:11 Nga DOSJA
VIDEO/ KPP gjen parregullsi në 250 tendera me vlerë 70 milionë

TIRANË– Komisioni i Prokurimit Publik ka gjetur shkelje në procesin e tenderimit të institucioneve publike, për të paktën 250 tendera, nga 715 ankesa të shqyrtuara nga kjo trupë në vitin 2019.

Në raportin vjetor të depozituar në Kuvendin e Shqipërisë, KPP thotë se kanë qenë gjithsej 1052 procedura prokurimi të kontestuara nga bizneset në të gjithë Shqipërinë, për një fond total prej 245 milionë eurosh, ndërsa janë prokuruar nga buxheti i shtetit 900 milionë euro.

Nga proceset e ankimuara nga operatorët ekonomikë, Komisioni u ka dhënë të drejtë sipërmarrjeve private për një shumë totale prokurimi me vlerë 70 milionë euro, ndërsa ende është duke shqyrtuar disa ankesa të mbartura nga viti i shkuar.

Qytetet me numrin më të lartë të ankesave janë Tirana me 606 , e pasuar nga Fieri me 99, Durrësi me 76 dhe Elbasani me 52 ankesa.

Rreth 40% e procedura të ankimuara vazhdojnë të jenë në fushën e shërbimit të sigurisë publike, ndërsa dy institucionet që kanë vlerën më të madhe të fondeve të kontestuara nga bizneset janë Autoriteti Rrugor Shqiptar dhe Agjencia e Blerjeve të Përqendruara.

Numri i ankesave të prokurimit ka rënë me 10% krahasuar me një vit më parë, por Komisioni i Prokurimit Publik vazhdon të gjejë parregullsi në si në mënyrën e hartimit të kritereve që kualifikojnë operatorët në tender, ashtu dhe në mënyrën e vlerësimit të tyre.

Marrë nga Tv Klan

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet klsh komisioni i prokurimit publik kuvendi i shqiperise klsh komisioni i prokurimit publik kuvendi i shqiperise

Sondazh

Poll

Aktualitet 22 Maj 2020, 15:04

DURRËS– Aleanca për Mbrojtjen e Teatrit do të zhvillojë sot një tubim sensibilizues për situatën e krijuar pas shembjes së Teatrit Kombëtar.Aleanca fton qy...

MË SHUMË