TIRANE– Prokuroria e Posaçme Anti-Korrupsion, SPAK, ka zbuluar të dhëna lidhur me pezullimin nga detyra të gjyqtarit të Kolegjit të Posaçëm të Apelimit, Luan Daci. SPAK konfirmon që Daci, ka shkelur ligjin dhe ka falsifikuar formularin.
NJOFTIMI I KPA:
Njoftim-Mbi procedimin penal në ngarkim të shtetasit Luan Daci
Prokuroria e Posaçme kundër Korrupsionit dhe Krimit të Organizuar Tiranë, ka rregjistruar proçedimin penal Nr.56, viti 2020 për veprën penale ″Falsifikimi i dokumenteve″, të parashikuar nga neni 186, paragrafi (1) i Kodit Penal.
Nga veprimet hetimore të kryera lidhur me këtë proçedim penal është provuar se shtetasi Luan Daci, me funksion Gjyqtar në Kolegjin e Posaçëm të Apelimit, në aplikimin e kryer prej tij në datën 03.02.2017 për t’u emëruar në funksionin e mësipërm, ka paraqitur rrethana të rreme, duke mos deklaruar faktin se ndaj tij është marrë më parë masa disiplinore ″largim nga puna″.
Shtetasi Luan Daci në vitet 1994-1997 ka ushtruar funksionin e Gjyqtarit në Gjykatën e Rrethit Gjyqësor Tiranë. Këshilli i Lartë i Drejtësisë, pas propozimit të Ministrit të Drejtësisë, me vendimin Nr.6, datë 24.12.1997, në nenin 1 të tij, ka vendosur: ″Z.Luan Daci, largohet nga detyra e gjyqtarit për shkelje të ligjës dhe paaftësi në detyrë″.
Në bazë të nenit 6, paragrafi (1), gërma (dh) të ligjit Nr.84/2016 ″Për rivlerësimin kalimtar të gjyqtarëve dhe prokurorëve në Republikën e Shqipërisë″, si dhe nenit 150, paragrafi (3) të ligjit Nr.96/2016 ″Për statusin e gjyqtarëve dhe prokurorëve në Republikën e Shqipërisë″, i cili ka qënë në fuqi në momentin e aplikimit, ekzistenca e masës disiplinore ″largim nga puna″ përbënte shkak ligjor që shtetasi Luan Daci të mos plotësonte kriteret formale për të aplikuar në pozicionin vakant Gjyqtar në Kolegjin e Posaçëm të Apelimit.
Në rrethanat e mësipërme, shtetasi Luan Daci është marrë në përgjegjësi penale nga Prokuroria e Posaçme për kryerjen e veprës penale ″Falsifikimi i dokumenteve″, të parashikuar nga neni neni 186, paragrafi (1) i Kodit Penal.
Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar, me vendimin Nr.54, datë 20.05.2020 ka vendosur ndaj shtetasit Luan Daci caktimin e masës së sigurimit ndaluese ″pezullimi i ushtrimit të një detyre a shërbimi publik″, të parashikuar nga neni 242 i Kodit të Proçedurës Penale, duke e pezulluar nga atë funksioni Gjyqtar në Kolegjin e Posaçëm të Apelimit.
Ditën e sotme, SPAK, (Prokuroria e Posaçme Antikorrupsion), pas disa muajsh hetime ka pezulluar nga detyra gjyqtarin Luan Daci. Daci ishte pjesë e trupës kolegjiale të Komisionit të Posaçëm të Apelimit që ka për detyrë marrjen e vendimeve përfundimtare për rrëzimin ose jo të vendimeve për gjyqtarët që skanohen në Vetting. Daci u denoncua publikisht nga “viktima” e tij. Ishte ish-prokurorja Antoneta Sevdari që akuzoi Dacin se kishte mashtruar institucionet shqiptare. Siç provoi edhe SPAK, Luan Daci nuk u largua vetë nga sistemi, por sipas dokumenteve zyrtare ai u shkarkua në vitin 1997 për paaftësi në punën e tij.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Policia ka finalizuar sot operacionin e koduar “Shënmëri 2020”, i cili është zhvilluar në disa qytete dhe në pranga kanë rënë 19 persona. Në një re...
TIRANË- Gjyqtari i Kolegjit të Posaçëm të Apelimit, Luan Daci, është pezulluar nga detyra. Prokuroria e Posaçme Anti-Korrupsion, SPAK nisi he...
Shqipëri- 15 raste të reja me COVID-19 në Shqipëri gjatë 24 orëve të fundit. Flutura Beqo nga ministria e Shëndetësisë ka bërë me dije ditën e some se gjatë 24 ...
Shqipëri– 13 raste të reja me COVID-19 në Durrës gjatë 24 orëve të fundit. Burime për Dosja.al bëjnë me dije se 9 nga të infektuarit janë punonjës të një fasone...
TIRANË- Detaje të reja janë mësuar në lidhje me operacionin anti-drogë që po zhvillohet në disa qytete. Policia ka dhe përgjigje për anëtarët e grupit, të ...
Kukës- Zbardhet dosja e operacionit, ku deri më tani janë arrestuar 22 persona në Kukës. Burime për Dosja.al bëri me dije ‘koka” e grupit të drogës ishte Kreshn...
FIER- Operacioni anti-drogë është shtrirë dhe në Fier. Policia e Fierit në një njoftim për mediat bën me dije se sot paradite është arrestuar një 55-vjeç...
Përgjithësisht, tremujori i parë ka një numër më të lartë vdekjesh në muajt e parë të vitit, në raport me periudhat e tjera, që nga mjekët shpjegohet me faktin ...
Kukës- 22 persona janë arrestuar deri më tani në Kukës, gjatë një operacioni anti kanabis. Burime për Dosja.al bëjnë me dije se mes të arrestuarve është edhe vë...
I dashur Bjarke,Në mediat sociale lexova se periudhën e karantinimit po e kaloje në Meksikë, dhe gjatë kësaj periudhe punove për një Plan Urbanistik për Planeti...