TIRANË- Policia e Shtetit thotë se gazetari Alfred Lela nuk është dhunuar si gazetar, por si protestues që theu kordonin policor. Në një reagim, ku PSh shpreh keqardhjen për “dezinformimin” e bërë nga mediat, thuhet se Forcat Operacionale kanë punuar në terren të vështirë dhe se dy policë jantë plagosur. Gjithashtu shton se gazetari u shoqërua njësoj si 37 persona të tjerë që iu mor deklarimi. Por në pamjet e publikuara në të gjithë mediat, shihet shumë qartë, se gazetari Alfred Lela, u mor zvarrë, dhe u hodh mbi hekura. Efektivë civilë e ulën përtokë dhe e shoqëruan.
REAGIM I POLICISË SË SHTETIT:
Policia e Shtetit shpreh keqardhje për dizinformimin e bërë përmes mediave të pranishme, nga një sërë individësh lidhur me operacionin e zbrazjes së godinës së Teatrit Kombëtar nga njerëzit, për të garantuar procesin e prishjes së asaj godine, sipas kërkesës së autoriteteve vendore të Bashkisē Tiranë.
Policia e Shtetit garanton opinionin publik, me përgjegjësi të plotë ligjore dhe morale se çdo akuzë e përfaqësuesve të partive politike apo individëve të tjerë, për gjoja ushtrim dhune apo armatim në trupat e përfshira në operacion. Këto janë të pavërteta fund e krye dhe e vërteta është se forcat operacionale të Policisë kanë bërë detyrën në kushte tejet të vështira, si rezultat i mungesēs së plotë të mirëkuptimit nga ana e të grumbulluarve në territorin e Teatrit Kombëtar.
Nga kundërshtimi me forcë i tyre ndaj kērkesës së Policisë për t’u larguar, janë goditur dhe lënduar me sende të forta dy punonjës policie, të cilët po marrim ndihmë mjekësore dhe fatmirësisht janë jashtë rrezikut për jetën.
Për veprime arbitrare dhe kundërshtim me forcë të forcave të rendit në detyrë janë shoqëruar sipas ligjit dhe u janë marrë deklarime 37 personave, në përputhje të plotë me procedurën përkatëse. Asnjë prej të shoqëruarve, nuk është shoqëruar si gazetar në detyrë. Gazetari A. Lela është shoqëruar pas thyerjes së paligjshme të kordonit të Policisë dhe i është marrë deklarimi si gjithē të tjerēve.
Policia e Shtetit u bën apel organizatorëve dhe individëve që vijojnë të thyejnë ligjin, duke shkelur të gjitha parashikimet e Aktit Narmativ dhe duke vazhduar provokimet ndaj forcave të rendit që po kryejnë detyrën, tê mos vënë në rrezik shëndetin e punonjësve të policisë dhe as shëndetin e tyre, familjarēve të tyre dhe më gjerë, duke krijuar një vatër me potencial të lartē infeksioni nga Covid-19.
Policia e Shtetit u rikujton të gjithëve se Tirana ështē ende një Zonë e Kuqe në hartën epidemiologjike të vendit dhe gjithë sa më lart, kërcënon seriozisht një valē të re infeksioni në kryeqytet.
Gjatë orëve të para të ditës së sotme është shembur godina e Teatrit Kombëtar. Aksioni për shembjen e kësaj godine ka nisur 04:30 të mëngjesit të sotëm, ku pati përplasje. Mësohet se në Polici janë shoqëruar Gazment Bardhi, Edi Paloka, aktori Neritan Liçaj, Monika Kryemadhi, Robert Budina, Titi Seranaj, Silva Caka dhe dhjetëra qytetarë. Por përplasjet vijojnë, pak më parë dhjetëra qytetarë çanë kordonin e policisë, në sheshin pranë teatrit. Basha ka paralajmëruar aksion opozitar, ndërsa Kryemadhi iu bëri thirrje shqiptarëve që braktisin gjendjen e fatkeqësisë natyrore.
(f.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Sheshi i Teatrit Kombëtar është rrafshuar krejtëisht dhe aty ka mbetur vetëm pluhur e hi. Në pamjet me dron, të publikuara nga Balkanëeb, shihet se...
Tiranë- Kristi Pinderi ka reaguar për shembjen e Teatrit Kombëtar dhe në një postim në Facebook është shprehur se i vjen turp nga vetja që për tre vite me radhë...
TIRANË– Gazetari Alfred Lela ka treguar me detaje dëmtimet që ka marrë nga dhuna e ushtruar nga Policia gjatë protestës për prishjen e Teatrit Kombët...
Tiranë- Aktorja e njohur, Roza Anagnosti qau teksa foli për shembjen e Teatrit Kombëtar. Për “Ballkan web”, Anagnosti është shprehur se nuk ka trishtim më të ma...
TIRANË– Godina e Teatrit Kombëtar u shemb gjatë orëve të para të mëngjesit të sotëm. Fadroma i nguli dhëmbët, duke lënë pas vetëm rrënojë, mbi të cil...
Shqipëri-Ministria e Shëndetësisë ka bërë me dije ditën e sotme se gjatë 24 orëve të fundit janë konfirmuar edhe 13 raste të reja me COVID-19. Numri total i të ...
Tiranë- Mijëra efektivë policie ndodhen në sot në terren, pasi qindra qytetarë janë ngritur në protestë për shembjen e Teatrit Kombëtar. Ndërkohë në vendin e qu...
TIRANË– Lirohet nga Policia ish-deputetja e LSI-së, Silva Caka dhe gazetari Alfred Lela. Të dy u arrestuan pak orë më parë gjatë përplasjes me efekti...