Sport

U sulmua nga hajdutët, ndërron jetë “El Trinche”, futbollisti “provincial” i cili ishte idhulli Maradonës

8 Maj 2020, 16:01 Nga DOSJA
U sulmua nga hajdutët, ndërron jetë “El Trinche”,

ARGJENTINË– “Ai ishte idhulli ynë. Sot ne jemi shumë të trishtuar. Unë përsëri shkoj në fushat e Buenos Aires dhe ata më pyesin për të, për gjërat që ai bëri 40 vjet më parë. Ishte e vërtetë që ai u bë mit”, tha Eduardo Bulfoni për Radio2 AM1230 , Ish-mesfushori u shtrua në spital në kujdesin intensiv dhe në gjendje kome pasi u godit në kokë nga një i ri që vodhi biçikletën të mërkurën e kaluar në Rosario, qytetin e tij të lindjes. Carlovich rezistoi dhe u përlesh me ta. Një nga të rinjtë e goditi me një mjet të fortë dhe “El Trinche” dëmtoi rëndë kokën gjatë rrëzimit në tokë .

“Babai im kishte një biçikletë të re, por kjo nuk është asnjë arsye për ta sulmuar, pasi prej tij ishin vjedhur edhe katër biçikleta të vjetra. Tani ai është i pavetëdijshëm në kujdesin intensiv dhe në një gjendje kome r”,  kishte thënë djali i tij Bruno Carlovich për kanalin 5RTV.

Carlovich konsiderohet një emblemë e futbollit Santa Fe pavarësisht se ka luajtur pjesën më të madhe të karrierës së tij në kategori më të ulëta dhe Diego Maradona së fundmi i dha një fanellë me frazën: “Trinche, ti ishe më i mirë se unë”.

Carlovich kishte lindur në Rosario dhe vinte nga një familje me origjinë kroate. Ai cilësohej si futbollisti i popullit dhe kush e ka parë duke luajtur futboll nuk i harron kurrë magjitë që dhuronte në fushë. “Futbollisti më i mirë në histori ka luajtur te Rosario, emri i tij është Carlovich”, deklaronte Diego Armando Maradona vite më parë.

E.Ç (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport argjentina carlovich futbollisti argjentinas argjentina carlovich futbollisti argjentinas

Sondazh

Poll

MË SHUMË