Politike

Reforma Zgjedhore/ Damian Gjiknuri bisedë me ambasadoren amerikane: E informova për ecurinë dhe i kërkova mbështetje nga SH

4 Maj 2020, 09:46 Nga DOSJA
Reforma Zgjedhore/ Damian Gjiknuri bisedë me ambasadoren amerikane: E

TIRANË– Bashkëkryetari i Komisionit të Reformës Zgjedhore, Damian Gjiknuri ka zhvilluar një bisedë telefonike me ambasadoren amerikane, Yuri Kim. Me anë të një statusi në Facebook, Gjiknuri ka bërë me dije se ka kërkuar mbështetjen e Amerikës për të nxitur edhe më tej diskutimet lidhur me ecurinë e tryezës së dialogut.

Përfaqësuesi i PS-së, shprehet gjithashtu se ligji i ri elektoral hap rrugën për një sistem më të mirë elektoral dhe demokratik. “

“Pata kënaqësinë të bashkëbisedoj sot me Ambasadoren e Shteteve të Bashkuara të Amerikës në Tiranë Yuri Kim. E informova për ecurinë e deritanishme të procesit të reformës zgjedhore dhe kërkova mbështetjen e SHBA për të nxitur dhe shtyrë përpara rifillimin e tryezës së dialogut politik, dakordësimin e çështjeve të mbetura pezull dhe përmbylljen e reformës brenda Qershorit. Miratimi i ligjit të ri elektoral na hap rrugën më pas për arritjen e konsensusit edhe për reformimin e financimit të partive politike, parakusht për shëndoshjen e sistemit demokratik,”– shkruan ai. 

Mbledhja e radhës është vendosur që të mbahet online më 6 maj. Herën e fundit që komisioni u mblodh në fillim të marsit, opozita jashtëparlamentare depozitoi disa propozime për ndryshime, që prekin numërimin e votave dhe administratën zgjedhore. Po ashtu PD e LSI kërkojnë dhe qeveri kujdestare 100 para zgjedhjeve.

Nga ana tjetër opozita brenda Kuvendit ka kërkuar ndryshimin e sistemit zgjedhor dhe lista të hapura. Maxhoranca është shprehur e hapur për të gjitha variantet dhe çdo propozim do u dërgohet ekspertëve. Miratimi i një reforme-zgjedhore me pëlqimin e të gjitha palëve, është një prej kushteve të vendosura për çeljen e negociatave të Shqipërinë me BE-në.

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

politike politike damian gjiknuri reforma zgjedhore yuri kim damian gjiknuri reforma zgjedhore yuri kim

Sondazh

Poll

Politike 4 Maj 2020, 09:33

TIRANË- Të gjithë bizneset e mëdha që kanë hequr nga puna punonjësit para datës 10 prill dhe nuk pranojnë të bëjnë aplikimin online për të përfituar nga pa...

MË SHUMË