TIRANË– Ish-deputeti i Partisë Demokratike Luçiano Boçi ka denoncuar kthimin e studentëve në auditore.
Në një status në rrjetet sociale, Boçi shkruan se ky urdhër është dhënë nga Rama, pavarësisht se po u rrezikon jetën të gjithë studentëve.
Boçi shprehet ndër të tjera, se këtë vendim, nuk e ka marrë asnjë nga vendet e tjera, sepse kështu shkelen të gjithë protokollet e sigurisë dhe kushtet higjeno-sanitare në konvikte e ambiente universitare, janë mizerabël.
Denoncimi i plotë
RAMA, KY GRABITËS SERIAL. Urdhëri i Ramës nëpërmjet Besës, për të rikthyer me forcë studentët në auditore, nuk bëhet për hallin e Universiteteve. Sot, asnjë vend fqinj apo në rajon nuk ka ndërmarrë një iniciativë të tillë, megjithëse ato kryejnë rregullisht me mijëra testime dhe kanë një panoramë të vërtetë të pandemisë. Ndërsa Rama e urdhëroi me dhunë. E urdhëroi, ndërkohë që nuk ofron asnjë testim për pedagogët dhe studentët. E urdhëroi, ndërsa e di mirë që kushtet higjeno-sanitare në konvikte e ambiente universitare. janë mizerabël. E urdhëroi, kur e di mirë që shkelen të gjitha protokollet e sigurisë.
E urdhëroi, me ndërgjegje të plotë, kur ende akoma nuk ka miratuar një hapje definitive për udhëtimet ndërqytetëse dhe Tirana është zonë e kuqe. E urdhëroi, duke rrezikur kështu – siç e shprehu me të drejtë akademik Fuga – jetët e studentëve e pedagogëve. Po pse gjithë ky nxitim dhe kjo harbutëri e Ramës?! E qartë dhe ulëritëse! Rama kërkon të plotësojë më në fund ëndrrën e kontrollit të Universitetit të Tiranës. Kërkon që nën mjegullën e pandemisë të vjedhë e grabisë zgjedhjet në UT. Siç e shfrytëzon këtë mjegull, për tendera sekretë me çmime të katërfishuara. Siç e shfrytëzon për të çuar lekët e njerëzve në xhepat e oligarkëve, ashtu kërkon dhe të bëjë me Universitetet. Për këtë nuk heziton të hedhë në zjarrin e pandemisë mijëra studentë e pedagogë. Po dje në sinkron me vendimin e tij, urdhëroi sejmenët në UT, të hapin një proces zgjedhor fiktiv. KIZ i mbledhur dje, megjithëse ligjërisht nuk ekziston, ka hapur procesin e zgjedhjeve, kur vetë i ka mbaruar afati që në shkurt.
Diabolizmi nuk njeh kufij. Datat e zgjedhjeve të shpallura, u rakorduan me datat e rikthimit të pedagogëve dhe një pjese të studentëve, me qëllim që të konsiderojnë votimin e tyre në emër të gjithëve. Rrezikimi i jetës së studentëve, ka pikërisht këtë qëllim: Të sanksionojë një grabitje politike universitare nga Rama dhe Besa, bashkë me disa servilë të bindur. Një poshtërsi kjo tamam genocidiste, për ta pasur zili dhe juntat e regjimet më kriminale.Jo vetëm kaq. E dinë që vendimi i KIZ është i paligjshëm dhe në rast ankimimi në gjykatë, Shahini që ka në xhep vetëm skenarët e Ramës dhe jo strategji për arsimin, mund të komandojë një Rektor të ri. Rama para arrivizmit për pushtet politik, nuk kursen asgjë më. Dije e arsimim jo e jo, por siç e dëshmojnë faktet jo fjalët, nuk kursen as shëndetin e njerëzve.
Një ditë më parë, në një deklaratë për mediat, ministrja Besa Shahini bëri me dije se studentët që duhet të diplomohen këtë vit, do të kthehen përkohësisht në muajin qershor në auditore dhe në korrik e gusht, do të jepen provimet. Shahini u bëri thirrje të gjitha universiteteve, që të dorëzonin planin për kthimin e studentëve, duke pasur parasysh edhe marrjen e të gjtiha masave.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
Fier– Ndonëse e pritën me protesta, kryeministri Edi Rama i shoqëruar nga kryebashkiaku i Fierit, Armando Subashi ka inspektuar projektin e ri të Lumit Gjanica....
FIER– Ish-deputeti i Partisë Demokratike, Luan Baçi ka denoncuar shoqërimin e tre personave në Fier, të cilët po protestonin kundër kryeministrit Edi Ram...
Tiranë- Ministri i Brendshëm, Sandër Lleshaj e ka quajtur arrestimin e vrasësve të vëllezërve Besmir e Viktor Haxhisë në Durrës, një goditje të fortë kundër kri...
TIRANË– Ministrja e Financave, Anila Denja ka publikuar ditën e sotme një video-mesazh në kuadër të Ditës Ndërkombëtare të Puënsotëve, ku shprehet se duhet...
Ersekë- Presidenti i vendit Ilir Meta në këtë kohë pandemie po shijon bukuritë natyrore të Shqipërisë. Tashmë ai është larguar nga vendlindja e tij në Skrapar d...
Tiranë- Kryeministri Edi Rama e ka nisur ditën e sot duke falënderuar punëtorët në ditën e 1 majit. Kreu i qeverisë ka publikuar një video në rrjetin social Fac...
Shqipëri- Shqipëria është ende në luftë me COVID-19. Ndërkohë, qeveria ka lehtësuar masat për virusin, i cili deri më tani ka marrë 31 jetë njerëzish. Ditën e d...
TIRANË– Kryebashkiaku i Tiranës, Erion Veliaj në një intervistë për “ABC News” ka folur për menaxhimin e pandemisë së koronavirusit në kryeqytet. Spikeri i...
TIRANË- Deputeti Adriatik Alimadhi, ka folur sot për betejën e tij me COVID-19, e ka treguar se si arriti që të mposhte virusin. Në një lidhje direkte me e...