Bota

Kurti kërkon bashkëpunimin e qytarëve: Bashkë e fitojmë këtë betëjë, i di pasojat e COVID-19 sepse kam vuajtur vetë ng

28 Prill 2020, 18:53 Nga DOSJA
Kurti kërkon bashkëpunimin e qytarëve: Bashkë e fitojmë

KOSOVË- Kryeministri në detyrë, Albin Kurti, u ka kërkuar sot bashkëpunim qytetarëve që të vijojnë zbatimin e masave siç ka bërë deri tani. Kurti ka publikuar dhe një grafik, ku shkruan se sot ka qenë dita e parë që numri i të shëruarve ka qenë më i mdh se rastet e reja.

Më tej ai shton se e ka marrë shumë seriozisht luftën me COVID-19, pasi në shkurt të vitit të kalaur ka pasur dhe një problem me mushkritë dhe di pasojat që lë ky virus në trupin e njeriut. Kurti shkruan senNdaras nuk mund të fitohet kjo betejë, për nëse bëhen të gjithë bashkë fitorja është e garantuar.

“Të dashur qytetarë, Falë masave të 15 prillit dhe bashkëpunimit të një shumice të madhe prej jush, përqindja e rritjes në numrin e rasteve ka rënë nën 4%. Kjo nënkupton se qytetarët e infektuar po e transmetojnë virusin te shumë më pak persona të tjerë në krahasim me periudhën para 15 prillit, kur rritja ditore kishte shkuar deri në 27%. Dje, për herë të parë që nga ardhja e Koronavirusit në Kosovë, numri i të shëruarve ishte dyfish më i madh sesa numri i rasteve të reja, me 35 persona të shëruar. Kemi shënuar progres të jashtëzakonshëm, progres i cili po shpresojmë që të vazhdojë në javët e ardhshme. Mirëpo, sado që ky është lajm i mirë për të gjithë, vazhdimi i këtij përmirësimi nuk varet vetëm prej Qeverisë, por varet edhe prej të gjithë neve bashkë. Nuk duhet ta lejojmë që progresi i deritanishëm të na relaksojë, sepse kjo do të rrezikonte të kthejë mbrapsht krejt këtë progres. Virusi nuk e fal askënd. Studimet më të fundit tregojnë se, edhe në rast të shërimit, dëmi që ia bën virusi mushkërive mund të jetë i pariparueshëm. Pra, po përballemi me një sëmundje që dëmton ndër organet më të rëndësishme të trupit; shëndeti i mushkërive është vital po aq sa shëndeti i zemrës dhe trurit.

Personalisht kam pasur një përvojë të vështirë me sëmundje në mushkëri në shkurt të vitit 2019. Si Kryeministër, por edhe si qytetar, unë e marr virusin Corona me shumë seriozitet. Nuk kemi të bëjmë me një grip të thjeshtë siç thonë disa. Le të vazhdojmë të tregojmë kujdes të shtuar ndaj pastërtisë dhe distancës në mënyrë që sakrificat tona të deritanishme të kenë kuptim dhe që pandemia të mos shpërthejë përsëri duke na kthyer në pikën zero. Na duhet bashkëpunimi jo vetëm i shumicës, por i të gjithëve. Ndaras nuk kemi si ta fitojmë këtë betejë, por bashkë, të gjithë bashkë, dhe fitorja është e garantuar”, shkruan kryeministri në detyrë.

(A.B. Dosja.al)

1 vit nga zgjedhjet e 25 prillit si e shikoni gjendjen e vendit:

View Results

rajoni rajoni albin kurti koronavirusi ne kosove masat kunder covid 19 albin kurti koronavirusi ne kosove masat kunder covid 19

Sondazh

Poll

Bota 28 Prill 2020, 18:48

Përse Pentagoni i publikoi tani pamjet e UFO-ve

AMERIKË– Pentagoni publikoi të hënën tre video të deklasifikuara që tregojnë pilotët amerikanë teksa ndeshen me ato që duken se janë objekte fluturue...

MË SHUMË