(Tregimi i së dielës)/ Kam qënë në vit të parë gjimnaz kur më plasi në duar një shashkë artificiale që e kishte prodhuar mendja gjeniale e shokut tim Cale. Mori në kabinetin e kimisë dy lloje pluhurash. Po u bashkuan këto bëjnë aq zhurmë,më tha,sa gocave po ua hodhëm te këmbët do bëjnë shurrën nga frika.
Mendonim plot situata komike,por ja që Calja ato pluhura i bashkoi para syve të mij dhe u dëgjua në çast një shpërthim si ato minat te gurorja nga Shëndëllia.
Në sy sikur m’u ul vetë dielli,në veshë sikur luanin njëqind violina dhe i binin notës mi. Ndjeja që duart u qullën. Nga gjaku me siguri se dëgjoja ambulanca,ambulanca e pastaj më ra në trup një qetësi e lehtësi. Doja të flija dhe humba…
Kur hapa sytë isha në krevat,te pavioni i kirurgjisë. Kështu më tha babai se unë nuk shihja. Më ishin çarë qepallat dhe rrinin sytë hapur. Duart plot ugare dhe qepje. Flokët e djegur dhe faqet plot njolla lejla,si mish i kalbur. Por babai më siguroi se do shihja dhe do bëhesha mirë pas dy javësh. Dukesh si robërit e luftës,më dha kurajo ai. Pas pak erdhi vëllai:
-Sa i shpifur,-tha dhe iku.
Motra e vogël nuk më njohu. Veç qante se e tremba me plagët e fashot.
Mëngjeseve më rrinte gjyshja te koka. Mbaj mend dorën e saj duke më ledhatuar dhe muhabetin e shtruar. Nga dreka kisha shokët te koka. Por nga gocat asnjë. Do jenë nxehur nga që do i trembja me shashkë,mendoja. Kishin të drejtë,por Lola duhej të më shihte. Rrinim bashkë dhe vetes i thoja,e kam të dashur. Asaj asnjë fjalë nuk i kisha hedhur. Prisja me sytë nga dera,por snuk. Lola kishte humbur.
Ditën që u ktheva në shkollë Lola gati më rrëzoi me përqafime. Dukej që e kishte marrë malli. Por e largova dhe i thashë ftohtë:
-Të prita në spital.
-Erdha shtatë herë,-tha ajo. -Po gjyshja jote rrinte dezhurn te dera. Asnjë gocë nuk linte të hynte te dhoma.
M’u ngritën nervat. Vrap te shtëpia. Sa bëra gjysmën e pyetjes ajo ia nisi të qeshurit.
-Ti duhet të më falenderosh,mo bir. Të kujtohet si qante motra nga frika e surratit tënd? Si gogol ishe bërë. Dhe unë po mos të të kisha gjakun tim vrapit do ia merrja. Ngjisje si ato mëlçitë që blejmë të djelave. Ndaj,nga që nuk dija cila çupkë të donte,i ndalova të gjitha. Tani je si pëllumb e përqafoju me kë të duash!
E mira ime nuk e kishte keq. Rrengu i saj rezultoi me bukë. Lola kishte mall e mes nesh nuk hynë fasho,jodio,antibiotikë e faqe të djegura. U ngrit përkohësisht veç postblloku “Gjyshe”. Ama përkohësisht…
1 vit nga zgjedhjet e 25 prillit si e shikoni gjendjen e vendit:
TIRANË- Ministri i Brednshëm Sandër Lleshaj ka shpërndarë sot një foto të një vogëlusheje e cila i dhuronte një lule efektivit të Policisë në shenjë falend...
KOSOVË- U deshën 11 orë debat në parlament, shumë takime me dyer të mbyllura gjatë muajit të kaluar, një shkëmbim letrash, disa miq të fuqishëm me lidhje n...
Atë mëngjes kryeqyteti i Kroacisë, Zagrebi ishte goditur nga tërmeti. Sarajevasit iu bashkuan shpejt beogradasve në mbështetjen e tyre. Duartrokitjet u pritën m...
TIRANË- Shpërthimi epidemik nga koronavirusi i ri SARS-CoV-2 dhe sëmundjes COVID-19 që ai shkakton, ka shkaktuar një shpërthim hulumtimesh të domosdoshme t...
TIRANË– Kryeministri Edi Rama ka dhënë sot lajmin se një tjetër “spital lufte” do të ngrihet për të kuruar të gjithë qytetarët që do të preken në vendin to...
TIRANË– 570 të dënuar marrin pushime për tri muaj pas aktit normativ të vendosur nga qeveria e të lobuar fort nga ministria e Drejtësisë, Etilda Gjon...
TIRANË– Pas ditëve të tëra i karantinuar herë në shtëpi dhe herë në zyrën e tij në Kryeministri, Edi Rama ka vendosur që të dalë sot. Duke qënë se prej më ...
TIRANË– Në pranverën e vitit 2019, partitë opozitare shqiptare u larguan nga parlamenti. Bashkëpunimi mes krimit të organizuar dhe Partisë Socialiste...
Po ecim në kohën e paparashikuar dhe të papritur, pikërisht kur vëmendja tërhiqej nga strategjia afatgjatë e BE-se 2050, për një ekonomi të gjelbër dhe inovativ...
Marr shkas nga batuta autoironike e vlonjatëve, që aq mirë dinë të luajnë me vetveten, mbi sharjen në kor të virusit nga motra, për një analizë të varfërisë shp...