Aktualitet

Doni të qarkulloni me mjet gjatë ‘shtet-rrethimit’? Policia e Shtetit iu sqaron, ja si merret autorizimi (HAP PAS HAPI)

27 Mars 2020, 07:38 Nga DOSJA
Doni të qarkulloni me mjet gjatë ‘shtet-rrethimit’?

TIRANË-  Policia e Shtetit ka vendosur që të sqarojë hap pas hapi mënyrën e re sesi shoferët e mjeteve mund të aplikojnë për të marrë një autorizim. Aplikimi mund të bëhet në faqen zyrtare të Policisë, ose në e-mail, ku edhe mund të vendosën saktë të gjitha të dhënat që i kërkohen aplikuesit, motivi i qarkullimit dhe itineraret e kërkuara.

NJOFTIMI I PLOTË:

POLICIA E SHTETIT

Për t’u ardhur në ndihmë të gjithë qytetarëve në lidhje me zgjidhjen e kërkesave të domosdoshme dhe për nevoja urgjente shëndetësore dhe të biznesit, për qarkullim me mjetet e tyre, sqarojmë se: Policia e Shtetit, në faqen zyrtare të saj (ëëë.asp.gov.al), ka publikuar një aplikacion të ri me emërtimin “Covid-19″ – Lëvizja e kontrolluar me mjet!” Të gjitha vetëdeklarimet, kërkesat për autorizime personale apo autorizime biznesi do të kryhen nga faqja zyrtare e Policisë së Shtetit, nëpërmjet këtij aplikacioni. Për pajisjen me autorizim të ri, qytetarët duhet të plotësojnë njërin nga “deklarimet” e vëna në dispozicion: Vetëdeklarim, Autorizim Personal ose Autorizim Biznesi, duke klikuar në linkun e mëposhtëm: http://autorizime.asp.gov.al. Gjatë aplikimit është e rëndësishme vendosja e saktë e të dhënave që i kërkohen aplikuesit, motivi i qarkullimit dhe itineraret e kërkuara. Në përfundim të aplikimit shfaqet një numër aplikimi, i cili i jep mundësinë qytetarëve të ndjekin fazat e konfirmimit të kërkesës së tyre online, duke rritur kështu në maksimum transparencën e komunikimit të Policisë me qytetarët. Policia e Shtetit ka marrë masa për të përballuar shqyrtimin e të gjitha kërkesave të qytetarëve dhe bën me dije se çdo aplikim që plotëson kriteret sipas kërkesave të formularëve dhe miratohet nga ana e Policisë Rrugore do të jetë e verifikueshme nga patrullat e Policisë gjatë kontrolleve të ndryshme, në të gjithë territorin e vendit. Sqarojmë se të gjitha autorizimet e lëshuara më parë nga Policia dhe ato të konfirmuara nëpërmjet email-it nga ana e Policisë janë të vlefshme dhe nuk është e nevojshme të aplikohet përsëri. Policia e Shtetit falënderon qytetarët që respektojnë masat kufizuese për parandalimin e përhapjes së COVID-19 dhe apelon edhe njëherë për të gjithë ata që përpiqen të abuzojnë apo t’i shmangen zbatimit të këtyre masave se në terren, veç punonjësve të Policisë me uniformë, janë dhe qindra agjentë civilë, për të bërë të mundur evidentimin dhe ndëshkimin e shkelësve të masave kufizuese.

Ndërkohë sipas urdhërit të lëshuar nga kryeministri Edi Rama, të gjithë ata që do të kapen pa autorizim do t’u hiqet patenta deri në 3 vite, ndërsa ndëshkimi do të shkojë deri tek sekuestrimi i mjetit. 

(k.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet plani i masave per covid-19 policia e shtetit plani i masave per covid-19 policia e shtetit

Sondazh

Poll

MË SHUMË