Aktualitet

Anulohen aktivitetet e Ditës së Verës dhe 100 vjetorit të Tiranës, koronavirusi shtyn për në muajin qershor koncertin e M

9 Mars 2020, 16:34 Nga DOSJA
Anulohen aktivitetet e Ditës së Verës dhe 100 vjetorit të

TIRANË– Kryebashkiaku Erion Veliaj ka lajmëruar anulimin e aktiviteteve të programuara për Ditën e Verës dhe festimit të 100-vjetorit të Tiranës. Në mbledhjen e shtabit të emergjencave, Veliaj shtoi se edhe koncerti i Malumës, që ishte programuar për t’u mbajtur në datë 14 mars do të shtyhet për në muajin qershor. Sipas kryebashkiakut janë anuluar të gjitha grumbullimet masive, kulturore, sportive, tubime, koncerte, aktivitete, apo dëgjesa publike deri në datën 3 prill.

“Nëse ka një shqetësim, si ato që vijnë tipikisht në Bashkinë e Tiranës, një lokal që bën zhurmë poshtë pallatit, nuk ka arsye të vish tek zyra e pritjes me qytetarët. Mjafton të na njoftosh, do ia referojmë policisë. Ne duam t’i reduktojmë këto shërbime, kryesisht online ose me telefon. Vijmë ne tek njerëzit, nuk ka nevojë që dikush të vijë dhe të ekspozohet me qindra të tjerë në sallën e Pritjes me qytetarët, ndaj dua t’i theksoj faktit që kemi nr tel 0800-0888, hapur për çdo thirrje,”- u shpreh Veliaj pasi lajmëroi anullimet e aktiviteteve.

Deklarata e Veliajt vjen disa orë pasi në Shqipëri u konfirmua hyrja e Covid-19, i njohur ndryshe edhe si koronavirusi. Babë e bir, 54 dhe 28 vjeç, janë dy të prekurit e parë në Shqipëri, që tanimë janë izoluar në ambientet e spitalit Infektiv. Sakaq, qeveria ka marrë vendim të anulojë të gjitha udhëtimet drejt Italisë së Veriut deri më 3 prill. Gjithashtu, kryeministri Edi Rama bëri thirrje që të rinjtë të evitojnë daljet në lokale si dhe kontaktin fizik me të moshuarit. Mbyllur deri më 23 mars janë edhe shkollat, kopshtet dhe çerdhet, ndërkohë që ka nisur dezinfektimi i të gjitha spitaleve. Pjesë e planit të masave është edhe ndalimi i vizitave nëpër spitale.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet erion veliaj koronavirusi ne shqiperi erion veliaj koronavirusi ne shqiperi

Sondazh

Poll

Aktualitet 9 Mars 2020, 16:17

TIRANË- Bashkia e Tiranës ka marrë një sërë masash për përballimin dhe ndalimin e përhapjes së Coronavirusit në kryeqytet. Në mbledhjen e Shtabit të Emergj...

MË SHUMË