TIRANË- Ka përfunduar në një përplasje të fortë debati në “Abc-ja e mëngjeist” mes moderatorit Enkel Demi dhe ministrit për Mbrojtjen e Sipërmarrjes, Eduard Shalsit.
Nisma e qeverisë për operacionin “Forca e Ligjit” është kundërshtuar nga Demi, i cili i përmendi ministrit se janë 24 shoqata që e konsiderojnë këtë si shkelje të të drejtave të njeriut.
“Policia po sillet si në kohën e shokut Enver që i jep të drejtën të kontrollojë në emër të popullit në orën 03.00 të mëngjesit”, tha moderatori, ndërsa më tej nuk hezitoi t’i përmendë ministrit edhe Kongresin e PS, ku kryeministri Rama puthi në ballë, veteranin Zeriqi Mero, i cili ka dhënë dënime me vdekje në diktaturë.
Pjesë nga debati në studio:
Eduard Shalsi: Qëllimi dhe synimi i kësaj nisme debatohet jeni dakord apo nuk jeni dakord.
Enkel Demi: Nuk jemi pra.
Eduard Shalsi: Pra ju nuk jeni dakord që të gjithë të dënuarve…edhe pse kemi gazetarët që kanë akuzuar rëndë Edi Ramën dhe qeverinë për lidhje me krimin e organizuar. Kemi gazetarë që na kanë akuzuar rëndë madje se jemi shfaqur me personazhe të dënuar në burg.
Enkel Demi: Po ka forografi.
Eduard Shalsi: Tani ne po tregojmë që këta njerëz të deklarojnë pasuritë që kanë sepse kolegët e tu kanë dalë dhe kanë thënë që mbrapa x biznesi ke një të tillë. Morëm listën e personave të dënuar dhe e filluam me një strukturë sociale, që është diskutuar me partnerë shumë seriozë. Nuk është një shpikje shqiptare.
Enkel Demi: E keni diskursin shumë gabim…
Eduard Shalsi: Unë nuk i lejoj vetes t’ju them ju që e keni shumë gabim, ndërsa ju merrni përsipër…
Enkel Demi: E keni diskursin gabim kur thoni që “ju nuk doni që këta të hetohen”.
Eduard Shalsi: Jo nuk thashë që nuk doni.
Enkel Demi: Nuk është kjo, ajo që po thuhet nga mëngjesi deri në darkë është keni një ligj “anti mafia”, pse nuk e zbatoni. Këta njerëz të cilët po e kundërshtojnë, ju përmenda 24 organizata joqeveritare, thonë që po shkelni të drejtat e njeriut. Hiqeni dhe institucinin e avokatit dhe vazhdoni.
Eduard Shalsi: I keni lejuar vetes si media të akuzoni për lidhje me krimin.
Enkel Demi: Nuk kemi akuzuar, ju kemi treguar që keni, deputetë, kryetarë bashkie, ministra të përzier. Ju keni thënë që këta nuk i arrestojmë dot.
Eduard Shalsi: Po ju them, kompetenca në një çështje do të thotë që të paktën ta njohësh thelbin e problemit. Ka një paradoks të madh në momentin që akuzohet për lidhjet me një person. Jemi konsultuar me partnerët italianë. Pjesa e ekspertëve izraelitë na kanë dhënë një paketë të tillë. Shoqatat kanë rolin e tyre.
Enkel Demi: Policia po sillet si në kohën e shokut Enver që i jep të drejtën të kontrollojë në emër të popullit në orën 03.00
Eduard Shalsi: Këto paralelizma i bëni ju
Enkel Demi: Këto paralelizma shkojnë me PS se ish-komunistë jeni. Ju keni Gramoz Ruçin kryetar Kuvendi pse mos ta bëjmë këtë paralelizëm.
Eduard Shalsi: Ju keni Kastriot Islamin.
Enkel Demi: Unë me Kastriot Islamim nuk kam lidhje fare. Unë thashë që kryetari i Kuvendit është Gramoz Ruçi.
Eduard Shalsi: Kryetari i opozitës ka qenë Sali Berisha, do hapim një debat të tillë. Ne jemi një brez që i kemi kaluar …
Enkel Demi: I kemi kaluar aq mirë sa 100 vjeçari i Rilindjes është terrorist dhe puthet nga kryetari i partisë tënde në ballë, shoku Mero. Simboli i Kongresit pa numër të Rilindjes është 100-vjecari që e puthi në ballë kryetari dhe shpërndau foton.
Eduard Shalsi: Pse e banalizoni. Ju paska shqetësuar aq shumë 100-vjeçari që puthi në ballë dhe nuk keni dëgjuar reformat.
Enkel Demi: Më shqetësojnë krimet e 100-vjeçarit që ju nuk i dënoni dhe i simbolizoni duke i puthur në ballë.
Marrë nga abcnews.al
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
Koronavirusi po përhapet me shpejtësi të madhe në të gjithë botën dhe çdo ditë po merr jetë njerëzish. Në një video të publikuar nga “Daily Mail” tregohe...
Greqi- Policia greke ka arrestuar një 48-vjeçar shqiptar (identiteti i të cilit ende nuk dihet), i cili prej 17 vitesh ishte në arrati, pasi në vitin 200...
BOTË– Numri i viktimave nga koronavirusi rritet çdo ditë. Në rang global, deri më tani janë regjistruar 3,387 viktima dhe 98,437 njerëz janë të infe...
DURRËS– Dy shtetas turq janë arrestuar në Portin e Durrësit pasi tentuan që të kalonin kufirin me dokumente të falsifikuara. Mësohet se të arrestuarit kanë...
TIRANË- Debate të forta janë zhvilluar gjatë emisionit “360 gradë” mes inxhinierit Arben Meçe dhe shkrimtarit Agim Doçi. Ky i fundit u revolt...
Tiranë- Ditën e sotme pritet të ketë reshje shiu në gjithë vendin. Shërbimi Meteorologjik Ushtarak njofton se temperaturat minimale do të shkojnë deri në -3 gra...
Tiranë- Mjekët janë personat të cilët janë drejtpërdrejtë të rrezikuar që të preken nga koronavorusi, për shkak të kontaktit të tyre me pacientët. Në botë, mes ...
Tiranë- Polemisti Arben Meçe bëri deklarata të forta në studion e “360 Gradë”, duke u shprehur se ai kishte histori me projektet dhe kishte bërë mbi 70 p...