Politike

Berisha: Kosova të ndërmarrë çdo masë për të prerë tentakulat mafioze të Tiranës në territorin e saj

Gjatë bashkëbisedimit me qytetarët, Berisha tha se narkoshteti i Edi Ramës përbën rrezik të madh për sigurinë e rajonit dhe të Europës pasi është eksportuesi kryesor i kanabisit në Europë.

4 Prill 2026, 12:45 Nga I.A
Berisha: Kosova të ndërmarrë çdo masë për
Sali Berisha

TIRANË- Kryetari i PD-së i bën thirrje autoriteteve kosovare të ndërmarrin çdo masë për të prerë tentakulat mafioze të Tiranës në territorin e saj. Gjatë bashkëbisedimit me qytetarët, Berisha tha se narkoshteti i Edi Ramës përbën rrezik të madh për sigurinë e rajonit dhe të Europës pasi është eksportuesi kryesor i kanabisit në Europë.

Po ashtu Berisha theksoi se qeveria Rama është transportuesi kryesor i kokainës nga Amerika Latine në Europë ndërsa po vazhdon të kërkojë tregje të tjera.

”Në mënyrë të përsëritur ne kemi deklaruar se, narkoshteti i Edi Ramës përbën rrezik të madh për sigurinë e rajonit dhe të Europës. Siç e shihni ju, me shpejtësi marramendëse në mediat e botës, ka shpërthyer dhe po rritet denoncimi i mafias shqiptare, si mafia ndërkombëtare më e rrezikshme e planetit. Sepse ajo është eksportuesi kryesor i kanabisit në Europë dhe është transportuesi kryesor i kokainës nga Amerika Latine në Europë. Ajo vazhdon të kërkojë tregje të tjera. Në këtë kontekst është jashtëzakonisht e rëndësishme që Kosova të ndërmarrë çdo masë për të prerë tentakulat mafioze të Tiranës në territorin e saj, për të mbajtur, respektuar ligjin dhe shtetin ligjor. Unë kam besim se autoritetet e Kosovës do të dinë ti përgjigjen, këtij, ta quajmë agresioni mafioz droge, të Shqipërisë ndaj Kosovës,” tha Berisha./Dosja.al

sali berisha

Sondazh

Poll

Politike 4 Prill 2026, 08:19 I.A

A ia vlen të rivihet në punë ARMO?

BALLSH- Shtrenjtimi i çmimit të naftës në tregun e pakicë, e ndikuar nga ndryshimet e shitjes së produktit në bursa, rikt...

MË SHUMË