Sport

Renditja e FIFA-s pas ndeshjeve të marsit... Shqipëria bie, Kosova fiton sërish një pozicion

Skuadrat kombëtare mbyllën një fushatë tjetër kualifikuese siç ishte ajo e ndeshjeve play-off për Botërorin 2026. Një pjesë e mirë festoi, por shumica u zhgënjyen pasi nuk arritën objektivat e tyre.

2 Prill 2026, 16:38 Nga DOSJA

Renditja e FIFA-s pas ndeshjeve të marsit... Shqipëria bie, Kosova

ZVICER - Mbrëmjen e së martës u luajtën ndeshjet play-off që dhanë verdiktet e tyre përsa i përket skuadrave të kualifikuara, por u luajtën edhe ndeshje miqësore.

Momente këto që sollën ndryshime në klasifikimin e FIFA-s në krahasim me atë të pak ditëve më parë. Kështu kombëtarja shqiptare që zhgënjeu në miqësoren me Ukrainën ra edhe një pozicion në renditje dhe tani e sheh veten në vendin e 64-t me 1388.06 pikë, 3.58 pikë më parë se në renditjen e javës së kaluar.

Renditja e FIFA-s pas ndeshjeve të marsit... Shqipëria bie, Kosova

Ndryshe ndodhi me Kosovën që fitoi një pozicion duke u ngjitur në vendin e 78-të, pavarësisht humbjes së dhimbshme me Turqinë në finalen e play-off-it. Skuadra dardane shkon në kuotën e 1318.83 pikë, 6.60 pikë më pak në krahasim me klasifikimin paraardhës.

Renditja e FIFA-s pas ndeshjeve të marsit... Shqipëria bie, Kosova

Ndryshime ka edhe në krye të klasifikimit, pasi tani në vendin e parë është ngjitur Franca, që fitoi në miqësoren me Kolumbinë 3-1 duke zbritur në vendin e dytë Spanjën, që nuk shkoi më shumë se barazimi 0-0 me Egjiptin.

Ndërsa vendin e tretë vazhdon ta mbajë Argjentina, e ndjekur nga Anglia, Portugalia dhe Brazili. Italia vazhdon të qëndrojë jashtë dhjetëshes më të mirë, megjithatë Azzurrët, pavarësisht se u eliminuan nga Bosnja në play-off-in e Botërorit kanë fituar një pozicion duke u ngjitur në vendin e 12-të.

Renditja e FIFA-s pas ndeshjeve të marsit... Shqipëria bie, Kosova

B.T (Dosja.al)

Sondazh

Poll

MË SHUMË