Sport

Presidenti Ceferin mbron Gravinën: "Eliminimi i Italisë më habiti, por nuk është faji i tij"...

Ky është komenti presidenti i UEFA-s, Aleksander Ceferin pas eliminimit të Italisë

2 Prill 2026, 14:45 Nga DOSJA
Presidenti Ceferin mbron Gravinën: "Eliminimi i Italisë më

BOSNJE - I intervistuar nga Gazzetta dello Sport, presidenti i UEFA-s, Aleksander Ceferin, komentoi eliminimin e Italisë nga Kupa e Botës kundër Bosnjës, duke e mbrojtur me vendosmëri presidentin e FIGC-së, Gabriele Gravina, nga çdo lloj përgjegjësie.

I befasuar nga eliminimi i Italisë? - "Në një farë mënyre, po. Nga ana tjetër, Bosnja ka një ekip të ri dhe të fortë dhe luajti në shtëpi. Kishte shumë më tepër presion mbi Italinë. Bosnja e meritonte të shkonte në Kupën e Botës, Italia e humbi ndeshjen pas përjashtimit të një lojtari."

A është e drejtë të konsiderohet edhe Gravina fajtor? - "Kur isha president i Federatës Sllovene, gjithmonë i thoja trajnerit: 'Nëse fiton, ti dhe lojtarët do të jeni heronj. Nëse humb, faji do të bjerë mbi ne të dy.' Absolutisht nuk është faji i Gabrieles, dhe unë nuk do të guxoja të sulmoja as lojtarët dhe as trajnerin. Ndoshta politikanët italianë duhet të pyesin veten pse Italia ka një nga infrastrukturat më të këqija të futbollit në Evropë... "

Shumë politikanë në Itali po kërkojnë hiqjen e kokës së Gravinës - "Më zemëron dhe më trishton fakti që ka njerëz që presin 'fshehurazi' që diçka të shkojë keq dhe pastaj fillojnë të kritikojnë. Ata nuk po mbështesin Italinë, po mbështesin veten. Më tregoni se cili lojtar italian nuk u thirr dhe cili duhej të ishte thirrur? Është futboll, dhe edhe me lojtarët më të mirë në fushë, kushdo mund të humbasë në një ndeshje."

Çfarë do të mendoje nëse Gravina do të largohet? - "Gabriele është nënkryetari im i parë dhe është shumë i rëndësishëm për mua. Por humbja më e madhe do të ishte për FIGC-në. Nuk do të jetë e lehtë të gjesh një zotëri që e do kaq shumë futbollin dhe Italinë. Por nuk jam aq naiv sa të besoj se njerëzit egoistë, që thjesht presin që diçka të shkojë keq, do ta mendojnë këtë. Nuk u intereson."

Po nëse ai të jepte dorehëqeni? - “Do të ishte vendimi i tij, nuk mendoj se është e përshtatshme që unë të komentoj për këtë. Mendoj se kam qenë i qartë në përgjigjet e mia të mëparshme."

Situatë e ndërlikuar në Itali lidhur me stadiumet për të mirëpritur Euro 2032 - "Euro 2032 është planifikuar dhe do të zhvillohet: Shpresoj që infrastruktura të jetë gati. Përndryshe, turneu nuk do të luhet në Itali."

Mbi krizën në futbollin italian - "Italia është një nga kombet më të mëdha të futbollit dhe do të kthehet në krye. Problemi më i madh në futbollin italian është marrëdhënia midis politikës së futbollit dhe politikës 'normale'. Nëse të gjithë do të binin në vijë, së shpejti do të bëheshit përsëri kampionë evropianë dhe botërorë. Dhe nëse të njëjtët njerëz negativë vazhdojnë kështu, atëherë gjërat në futboll do të shkojnë tmerrësisht keq."

B.T (Dosja.al)

 

Sondazh

Poll

MË SHUMË