Sport

U grabit nga një mik: "Atë që përjetova, nuk do t'ia dëshiroja as armikut tim më të keq"

Duke luajtur për Lyon midis viteve 2017 dhe 2022, Pape Cheikh Diop (28 vjeç) humbi gjithçka, pasi u mashtrua nga një njeri të cilit mendonte se mund t'i besonte. Ai tani po përpiqet të rindërtojë jetën e tij me një klub amator në Spanjë.

2 Prill 2026, 09:30 Nga DOSJA

U grabit nga një mik: "Atë që përjetova, nuk do

SPANJE - Dikur i cilësuar si një talent i madh, Pape Cheikh Diop humbi gjithçka në moshën 28 ​​vjeç. "Rreth tre vjet më parë, kur mbërrita te Aris I Selanikut (në Greqi), dikush të cilit i besoja më mori gjithçka", thotë ish-lojtari i kombëtares senegaleze (3 ndeshje) për gazetën AS. 

"Paratë që kisha në bankë, sendet e mia personale dhe ai më la pa asgjë. Gjithçka ndodhi tepër shpejt. Nëna ime më kërkoi të mos e zbuloja emrin e tij, por ai ishte si një baba për mua. U rrita me të sepse babai im biologjik na braktisi kur isha një vjeç."

Tani i rikthyer në ligën e gjashtë të futbollit spanjol, me CD Promesas de Logroño, ish-lojtari i Lyon (2017-2022) pranon se pësoi "një tronditje të tmerrshme" kur mësoi se kishte humbur "disa milionë euro" për shkak të mashtrimit."

I kisha dhënë prokurë për shkak të besimit që i kisha treguar", ankohet ai. "Ishte një gabim i rëndë nga ana ime, por kurrë nuk e imagjinova se mund të ndodhte. Ai më mori shtëpitë, makinat dhe paratë e mia. Nuk do t'ia dëshiroja atë që përjetova armikut tim më të keq."

Pasi ka luajtur në Greqi, për Elche, Sllovaki dhe më pas për Arabinë Saudite pas kontratës së tij pesëvjeçare me Lyon, Pape Diop thotë se është "absolutisht i sigurt se do të rifitojë formën e tij më të mirë" falë "përvojës" dhe "forcës mendore" të tij. "Po i jap vetes dy vjet kohë për t'u rikthyer", pohon ai.

B.T (Dosja.al)

 

 

Sondazh

Poll

MË SHUMË