Politike

Bordit të Transparencës për karburantet/ Ministrja Ekonomisë: Do funksionojë deri sa çmimi të stabilizohet

Në një deklaratë për mediat, Ibrahimaj u shpreh se, stabiliteti ekonomik në vendin tonë ka treguar se po qëndron rezistent ndaj goditjeve të brendshme dhe të jashtme.

27 Mars 2026, 10:38 Nga D.S
Bordit të Transparencës për karburantet/ Ministrja
Delina Ibrahimaj

TIRANË- Ministrja e Ekonomisë dhe Inovacionit, Delina Ibrahimaj deklaroi se Bordi do të funksionojë deri sa çmimet të stabilizohen. Në një deklaratë për mediat, Ibrahimaj u shpreh se, stabiliteti ekonomik në vendin tonë ka treguar se po qëndron rezistent ndaj goditjeve të brendshme dhe të jashtme.

Sipas saj, pagat kanë mbështetur zhvillimet ekonomike, rritja e pagave ka qenë e njëpasnjëshme për çdo vit.

“Ne kemi qenë të kujdesshëm në monitorim ditor të çmimeve të karburanteve dhe që nga fundi i muajit shkurt situata ishte stabël, 173 lekë çmimi, në mars kemi pasur luhatje të çmimit. Kemi pasur rritje të çmimeve të naftës prej 24%. Sa i takon çmimeve të bursës, që nga shkurti deri sot është rritur me 99.7%, pra është evidente që pasqyrimi i rritjes së bursës nuk ka pasqyrim direkt të të njëjtës vlerë dhe në çmimet vendase. Dje mblodhëm Bordin e Transparencës, me qëllim diskutimin për çmimet. Mekanizmi që përdoret është një formulë e bazuar në aktin normativ të 2022 kur kishim një situatë të ngjashme, që bazohet në çmimet ditore të bursës dhe përllogariten koston e karburantit dhe duke shtuar marzh për pakicën dhe shumicën. Janë marzhe minimale, jo fitimi por përballimi shpenzimesh për kompanitë. Do vijojmë të jemi në monitorim të çmimeve. Po monitorojmë dhe çmimet e shportës bazë.

Sipas të dhënave stabiliteti i ekonomisë ka treguar rezistencë nga goditjet e brendshme dhe të jashtme, ndërsa stoku i borxheve ka ardhur në reduktim. Shifrat e fundit të INSTAT tregojnë stabilitet të tregut të punës. Të ardhurat në përgjithësi, mund të themi se pagat kanë mbështetur zhvillimet ekonomike, rritja e pagave ka qenë e njëpasnjëshme për çdo vit. Rritja e pensioneve ka rezultuar 8.4%. Remitancat janë rritur, ndërsa të ardhurat e disponueshme në 2025 janë rritur me 6.3%. qarkullimi i kompanive në vend 5% më shumë në krahasim me vitin e kaluar. Sektori i tregtisë është rritur me 3%. Shëndeti i bizneseve shqiptare në sektorët kryesore ka vijuar të përmirësohet”, shtoi Ibrahimaj. Tregtia e jashtme të mallrave gjatë vitit të kaluar kanë pasur performancë që ka ardhur në vlerë në reduktim, 57.7 mld lekë, në rënie me 0.7%. edhe deficiti tregtar ka ardhur me reduktim”, tha ministrja./Dosja.al

 

delina ibrahimaj bordit të transparencës

Sondazh

Poll

MË SHUMË