Aktualitet

AKU bllokon 738 kg fileto pule/ Mishi me probleme në KMY, bllokohet edhe një sasi djathi në “Bonum”

Siç shihet edhe në ekran, mishi i pulës gjatë procesit të ngrirjes dhe shkrirjes qëndron në tokë, magazinimi i tij është bërë pranë një ambienti që ka prezencë myku dhe ndryshku.

11 Mars 2026, 20:37 Nga E. D

AKU bllokon 738 kg fileto pule/ Mishi me probleme në KMY, bllokohet edhe

Siguria ushqimore vazhdon të mbetet një sfidë për bizneset shqiptare. Vetëm disa orë më parë inspektorët e AKU Tiranë kanë bllokuar 738 kg fileto dhe gjoks pule pranë biznesit KMY në Tiranë.

Siç shihet edhe në ekran, mishi i pulës gjatë procesit të ngrirjes dhe shkrirjes qëndron në tokë, magazinimi i tij është bërë pranë një ambienti që ka prezencë myku dhe ndryshku.

Nëse ky produkt nuk do të ishte bllokuar nga inspektorët e ushqimit, ai do të shkonte te tryeza e konsumatorëve si mish i sigurt. Për këtë arsye, AKU Tiranë ka bllokuar aktivitetin e biznesit KMY deri në plotësimin e kushteve higjeno-sanitare.

Një tjetër aksion është realizuar në operatorin e biznesit të ushqimit “Bonum”, ku kushtet e baxhos ku prodhohej djathi ishin jashtë standardit higjeno-sanitar, muret me lagështirë dhe myk. Ndaj kompanisë Bonum, AKU vendosi masë administrative me gjobë 300 mijë lekë të reja dhe bllokim të produktit.

Pas këtyre veprimeve, produktet e pulës të kompanisë KMY dhe djathi Bonum do të asgjesohen. Inspektorët e AKU-së njoftuan se gjatë kontrollit në baxhon e kompanisë Bonum kanë bllokuar një sasi prej rreth 329 kilogramë djathë të bardhë dhie, që ishte në gjendje në këto ambiente./Top Channel

aku

Sondazh

Poll

MË SHUMË