Politike

Kërkesa e SPAK për heqjen e imunitetit të Ballukut, Manja: Imuniteti s’mund të jetë privilegj individual, por garanci institucionale

Gjatë fjalës së tij para grupit socialist, Manja ka theksuar se roli i Kuvendit në këtë rast nuk është vetëm formal. 

9 Mars 2026, 10:34 Nga I.A
Kërkesa e SPAK për heqjen e imunitetit të Ballukut, Manja:
Ulsi Manja

TIRANË- Ulsi Manja ka deklaruar se imuniteti i deputetit nuk është privilegj individual por një garanci institucionale. Gjatë fjalës së tij para grupit socialist, Manja ka theksuar se roli i Kuvendit në këtë rast nuk është vetëm formal por thelbësor. 

”Në Këshill kemi pasur diskutime. Nuk u arrit që të dilnim me një raport të përbashkët; opozita ka një qëndrim tjetër. Raporti i opozitës mbron tezën që Kuvendi të mos e vlerësojë masën e sigurisë. Në vlerësimin tonë, si anëtarë të Këshillit të Mandateve, kjo qasje reduktuese nuk përputhet me frymën e Kushtetutës. Autorizimi është akt vullneti që mbart përgjegjësi politike dhe juridike. Nëse dhënia e këtij autorizimi do të ishte e detyrueshme sa herë që kërkohej nga SPAK, atëherë dispozita kushtetuese do të ishte e panevojshme. Këtë e ka theksuar edhe Gjykata Kushtetuese në jurisprudencën e saj, si dhe opinionet e Komisionit të Venecias.

Imuniteti procedural nuk mund të jetë privilegj personal, por garanci institucionale për mbrojtjen dhe funksionimin e lirë të Kuvendit. Kuvendi ka detyrimin të verifikojë nëse ndërhyrja në liri është reale dhe e domosdoshme. Ky rol i Kuvendit del qartësisht nëse i referohemi rastit të ndalimit në flagrancë të një deputeti. Kur ai kapet në kryerje e sipër të një krimi, apo menjëherë pas kryerjes së tij, drejtuesi i SPAK njofton Kuvendin. Kur konstatohet se nuk ka vend për procedim, vendoset heqja e masës. Pra, roli i Kuvendit për heqjen e imunitetit nuk është formal”, tha ai./Dosja.al

ulsi manja

Sondazh

Poll

MË SHUMË