Politike

Dorëzohet Basha/ I kthen Berishës faqen zyrtare të Partisë në rrjetet sociale

Para zgjedhjeve të 11 Majit, Basha e përdori këtë faqe, duke i ndryshuar emrin në partinë qe vetë krijoi ‘Demokratët Euroatlantik’.

3 Mars 2026, 11:53 Nga E.d
Dorëzohet Basha/ I kthen Berishës faqen zyrtare të Partisë
Foto ilustruse

TIRANË- Beteja për Partinë Demokratike mes Lulzim Bashës dhe Sali Berishës ka marrë fund plotësisht ditën e sotme, me rikthimin e faqes zyrtare të PD-së në Facebook. Ditën e sotme PD-ja ka njoftuar zyrtarisht se ka marrë faqen e Facebook me 320 mijë ndjekës, të cilën e kishte nën kontroll Basha.

Para zgjedhjeve të 11 Majit, Basha e përdori këtë faqe, duke i ndryshuar emrin në partinë qe vetë krijoi ‘Demokratët Euroatlantik’. Në postimin ne Facebook, theksohet se kjo faqe i është rikthyer partisë dhe brenda pak kohësh do t’i rivendoset emërtimi i saj ‘Partia Demokratike e Shqiptërisë’.

Postimi i plotë

Partia Demokratike e Shqipërisë lajmëron ri-aktivizimin e faqes tonë origjinale në Facebook. Në vijim të vendimit të formës së prerë të Gjykatës së Apelit të Juridiksionit të Përgjithshëm Tiranë (Vendimi Nr. 723, datë 11 Qershor 2024), i cili konfirmoi të drejtat ligjore mbi emrin, vulën dhe simbolet e Partisë Demokratike të Shqipërisë, bëjmë me dije se emërtimi i përkohshëm në faqen e Facebook, “Demokratët Euroatlantikë” do të ndryshohet në “Partia Demokratike e Shqipërisë” për të reflektuar emrin e ligjshëm të institucionit. /Dosja.al

sali berisha lulzim basha pd

Sondazh

Poll

MË SHUMË