Aktualitet

“Do doja të përfundoja mandatin që më mbyllet në 2026”, Gledis Nano: Gjyqin për shkarkim të padrejtë e kam fituar në 2 shkallë të Gjykatave

Gledis Nano i ka cilësuar lëvizjet e shpeshta në Kupolën e Lartë të Shtetit, veprime që dëmtojnë jo vetëm policinë por frenojnë dhe të rinjtë që ti atashohen strukturës.

2 Mars 2026, 22:39 Nga I.A
“Do doja të përfundoja mandatin që më mbyllet në
Gledis Nano

TIRANË- Ish-kreu i Policisë së Shtetit, Gledis Nano, tregoi se nëse nuk do të ishte shkarkuar nga detyra, do t’i kishte mbaruar mandati në shtator të këtij viti. I ftuar në emisionin “Studio 24” në News 24, Nano tha se do të dëshironte të ishte në detyrë pasi kishte dëshirë të jepte nga eksperienca e tij, shembullin e frymën për të cilën ka nevojë policia.

Nano i ka cilësuar lëvizjet e shpeshta në Kupolën e Lartë të Shtetit, veprime që dëmtojnë jo vetëm policinë por frenojnë dhe të rinjtë që ti atashohen strukturës.

“Mua mandati më mbaron në shtator, unë u emërova në 2021 dhe për 5 vjet mbaron tani në 2026. Si rregull si ju dhe unë do të doja të mbaroja mandatin, sepse doja të jepja nga eksperienca ime, shembullin e frymën. Gjyqi është fituar në 2 shkallë për shkarkim të padrejtë.

Procedura e shkarkimit të drejtorit të policisë kërkon një propozim nga ministri i Brendshëm pra kërkon një relacion. Lirimi nga detyra është dorëheqje, ndërsa vendimi im ishte shkarkim. Arsyeja pse largohen drejtuesit e lartë të policisë mund të ketë shumë shkaqe. Largimi kaq shpesh nuk i shërben strukturës së policisë dhe aq më tepër prurjeve të reja dhe kur shihet ky destabilitet cfarë mesazhi i jep të rinjve. Kjo shihet dhe në numrin e punonjësve të larguar nga policia e shtetit për të punuar në shërbim privat,“ tha Nano./Dosja.al

gledis nano

Sondazh

Poll

MË SHUMË