Aktualitet

EMRI+VIDEO/ Grabiti me dhunë 2 biznese dhe një person, arrestohet 26-vjeçarja në Tiranë 

Ajo ka qenë dënuar më parë për të njëjtën vepër penale.

26 Shkurt 2026, 14:35 Nga E.d
EMRI+VIDEO/ Grabiti me dhunë 2 biznese dhe një person,
Foto ilustruse

TIRANË- Policia ka arrestuar ditën e sotme një 26-vjeçare në Tiranë. Ajo është Rozita Sopoti. Sopoti ka kryer 2 vjedhje me dhunë në muajin shkurt dhe 1 vjedhje në muajin janar. 

Ajo ka qenë dënuar më parë për të njëjtën vepër penale. Ndaj saj është në fuqi në masa e sigurisë “arrest shtëpie”. Policia po heton më shumë mbi rastin.


Njoftimi i policisë

Kreu 2 vjedhje me dhunë gjatë muajit shkurt, dhe 1 vjedhje gjatë muajit janar, arrestohet në flagrancë 26-vjeçarja. Shtetasja, e dënuar më parë për vjedhje dhe aktualisht me masë sigurie “Arrest në shtëpi”, për të njëjtin krim.

Pas denoncimeve të qytetarëve, për vjedhje të pronës/pasurisë së tyre, shërbimet e Komisariatit të Policisë Nr. 2 organizuan punën për nxjerrjen përpara përgjegjësisë penale, të shtetasve përgjegjës.

Si rezultat i veprimeve hetimore dhe operacionale të kryera në kuadër të operacionit të koduar “Intervali”, u identifikua dhe u arrestua shtetasja R. S., 26 vjeçe, me precedent të theksuar për vjedhje.

Nga këto veprime dyshohet se kjo shtetase:

-më datë 07.02.2026, ka vjedhur me dhunë në një subjekt;

-më datë 20.02.2026, i ka vjedhur me dhunë, një shumë parash, një shtetasi;

-më datë 03.01.2026, ka vjedhur në një subjekt.

Vijon hetimi për zbardhjen e vjedhjeve të tjera që mund të ketë kryer kjo shtetase.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftimin e policisë./Dosja.al

rozita sopoti policia vjedhje

Sondazh

Poll

MË SHUMË