Sport

Chilavert nuk ndalet, sulmon edhe Courtois: "Ai flet për vlera, por ai vodhi të dashurën një shoku të skuadrës! Këtë mos ta harrojë"

Ish-portieri paraguajan José Luis Chilavert iu përgjigj sulmit të Courtois me fjalë të ashpra drejtuar portierit të Real Madridit.

26 Shkurt 2026, 09:30 Nga DOSJA

Chilavert nuk ndalet, sulmon edhe Courtois: "Ai flet për vlera, por ai

SPANJE - Çështja Prestianni-Vinicius ka ndezur tensione, jo vetëm midis palëve të përfshira te Real Madridi dhe Benfica. Ish-portieri paraguajan José Luis Chilavert dha edhe ai mendimin e tij për këtë çështje, madje tani ai po sulmon edhe Courtois pas përgjigjes së portierit belg.

Fjalët e Courtois për çështjen Vinicius-Prestianni - " Vini nuk bëri asgjë të gabuar. Ai festoi siç kanë festuar shumë kundërshtarë kundër nesh; një festim nuk mund të justifikojë një fyerje të supozuar raciste. Në dhomën e zhveshjes, të gjithë e dimë çfarë ndodhi; ne i besojmë Vinicius. Ka ndodhur shumë herë në futboll, jo vetëm në fushë, por edhe në tribuna. Dhe duhet t'u japim fund këtyre gjërave."

Fjalët e mëparshme të Chilavert - “Futbolli është një shesh lojërash për burrat, dhe ne thoshim lloj-lloj gjërash për të. Që kur prezantuan mikrofonat dhe videot, futbolli është bërë më femëror. Flet për vlerat dhe gjithçka tjetër, por jeton me një grua trans. Nuk është normale. Secili mund të bëjë çfarë të dojë me jetën e tij, por nuk është normale që një burrë të jetojë me një grua trans. Gjëja më e mirë që mund të kesh pranë është një grua.”

Sulmi i Courtois ndaj Chilavert - "Është e mjerueshme. Nuk mund të thuash gjëra të tilla. Gjëra të tilla nuk kanë vend në botën e sotme, apo askund tjetër, veçanërisht kur vijnë nga një ish-koleg tjetër."

Përgjigja e Chilavert - "Courtois thotë se ajo që thashë është e mjerueshme, por  ai i vodhi të dashurën një shoku skuadre, De Bruyne, dhe pastaj thonë se këto gjëra nuk duhet të ndodhin në botë?  Mbappé e quajti Prestiannin një 'kopil racist të mallkuar'. 

Courtois-it duhet t'i thuhet se Belgjika dominohet nga myslimanët që vjedhin dhe vrasin gra. Vlerat e Amerikës së Jugut janë pro-familjes dhe duhet të ruhen. Ai gjithashtu duhet të mësojë të luajë me këmbët e tij, të largohet nga zona e penalltisë dhe të ekzekutojë goditjet e lira dhe penalltitë. Ai është një portier normal."

B.T (Dosja.al)

Sondazh

Poll

MË SHUMË