Politike

Reforma Zgjedhore, ambasadori i BE, Silvio Gonzato takim me Gjiknurin dhe Bylykbashin: Zbatoni rekomandimet e OSBE-ODIHR...

Gonzato thekson se proceset zgjedhore të besueshme, në përputhje me standardet ndërkombëtare, mbeten një prioritet kyç në rrugën e Shqipërisë drejt anëtarësimit në BE.

25 Shkurt 2026, 15:27 Nga E. D
Reforma Zgjedhore, ambasadori i BE, Silvio Gonzato takim me Gjiknurin dhe
pamje nga takimi

TIRANË- Ambasadori i BE-së, Silvio Gonzato ka zhvilluar një takim me dy bashkëkryetarët e Komisionit të Posaçëm Parlamentar për Reformën Zgjedhore, Damian Gjiknuri dhe Oerd Bylykbashi. Me anë të një postimi në rrjetet sociale, Gonzato bëri me dije se në fokus të takimit, ishte ecuria e reformës zgjedhore dhe hapat që pritet të ndërmerren në javët në vijim.

Gonzato thekson se proceset zgjedhore të besueshme, në përputhje me standardet ndërkombëtare, mbeten një prioritet kyç në rrugën e Shqipërisë drejt anëtarësimit në BE. Amabasadori i BE nënvizoi gjithashtu se në vendin tonë reforma zgjedhore duhet të përfshijë dhe zbatojë rekomandimet e OSBE/ODIHR.

"Proceset zgjedhore të besueshme, në përputhje me standardet ndërkombëtare, mbeten një prioritet kyç në rrugën e Shqipërisë drejt anëtarësimit në BE. Dje u takova me dy bashkëkryetarët e Komisionit të Posaçëm parlamentar për Reformën Zgjedhore, Damian Gjiknuri dhe Oerd Bylykbashi, për të diskutuar punën e komisionit në javët në vijim.

Nënvizova rëndësinë e reformës zgjedhore për të rritur transparencën në financimin e partive politike, për të garantuar pavarësinë e administratës zgjedhore dhe për të parandaluar keqpërdorimin e burimeve shtetërore. Një reformë e gjerë e rregullave zgjedhore, që përfshin edhe zbatimin e rekomandimeve të OSBE/ODIHR, është thelbësore për të garantuar besimin e publikut dhe për të mbrojtur integritetin e zgjedhjeve të ardhshme," tha Gonzato./Dosja.al

silvio gonzato oerd bylykbashi damian gjiknuri

Sondazh

Poll

MË SHUMË