Politike

Berisha: Nuk vendos grupi i deputetëve për imunitetet, por Këshilli i Mandateve

Në një deklaratë për shtyp, Berisha tha se ata nuk guxuan të votojnë dhe u shprehën aty në kundërshtim me Kushtetutën.

24 Shkurt 2026, 13:24 Nga D.S
Berisha: Nuk vendos grupi i deputetëve për imunitetet, por
Sali Berisha

TIRANË- Kreu i Partisë Demokratike, Sali Berisha u shpreh se nuk është grupi me Kushtetutë ai që përcakton qëndrimin ndaj kërkesës së prokurorisë për imunitetet por Këshilli i Mandateve që e voton. Në një deklaratë për shtyp, Berisha tha se ata nuk guxuan të votojnë dhe u shprehën aty në kundërshtim me Kushtetutën.

 Ndër të tjera, Berisha ngriti akuza duke thënë se ata janë marioneta të Edi Ramës, sepse të gjithë janë të lidhur në krime.

"Ju e dini që unë i kam quajtur mandate krimi mandatet e tyre. Dhe nuk e kam bërë pa baza, nuk e kam bërë pa argumente, pa fakte. Por unë di një gjë, që nuk është grupi me Kushtetutë ai që përcakton qëndrimin ndaj kërkesës së prokurorisë për imunitetet. Nuk është grupi, është Këshilli i Mandateve që e voton dhe e përcakton.
Por ata si skllevër nuk guxuan të votojnë dhe u shprehën aty në kundërshtim me Kushtetutën se vendimin do ta marrin pasi të diskutojnë në grup. Nuk ka ndodhur kurrë. Kështu që ata janë marioneta të Edi Ramës, sepse të gjithë janë të lidhur në krime dhe e dinë që aty do ndjekin Belindën.", tha Berisha./Dosja.al

sali berisha këshilli i mandateve

Sondazh

Poll