Politike

Përfaqësuesi i PE-së McAllister: Integrimi në BE vendimtar, Shqipëria duhet të punojë akoma më fortë

Në një prenoncim per mediat, McAllister theksoi se vizita e tij në Shqipëri vjen në një moment shumë vendimtar, teksa vendi ynë ka hapur grupkapitullin e fundit të negociatave për anëtarësim në BE dhe është në pritje të raportit të vlerësimit të punës së saj.

18 Shkurt 2026, 13:33 Nga D.S
Përfaqësuesi i PE-së McAllister: Integrimi në BE vendimtar,
David McAllister

TIRANË- Kryetari i Delegacionit të Komisionit për Punët e Jashtme të Parlamentit Europian, David McAllister deklaroi se, Shqipëria duhet të vazhdojë dhe të punojë edhe më shumë për të përmbushur kërkesat dhe për të mbyllur negociatat me BE. 

Në një prenoncim per mediat, McAllister theksoi se vizita e tij në Shqipëri vjen në një moment shumë vendimtar, teksa vendi ynë ka hapur grupkapitullin e fundit të negociatave për anëtarësim në BE dhe është në pritje të raportit të vlerësimit të punës së saj. Ndër të tjera, McAllister u shpreh i shqetësuar mbi polarizimin politik në Shqipëri.

“Vizita jonë vjen në një moment shumë vendimtar, teksa Shqipëria ka hapur grupkapitullin e fundit të negociatave për anëtarësim në BE dhe është në pritje të raportit të vlerësimit të punës së saj. Ne vazhdojmë mbështetjen e fortë për Shqipërinë në rrugën e integrimit në BE. Njohim rezultatet e arritura për hapjen e të gjithë kapitujve brenda 13 muajve. Por nuk ka kohë për vetëkënaqësi. Shqipëria duhet të vazhdojë dhe të punojë edhe më shumë për të përmbushur kërkesat dhe për të mbyllur negociatat. Procesi i zgjerimit është një proces i bazuar mbi meritën; secili vend vlerësohet në bazë të përmbushjes së kritereve. Por jemi të shqetësuar për polarizimin politik në vend. Protestat e dhunshme nuk kanë vend në një demokraci funksionale,” tha McAllister./Dosja.al

david mcallister kryetari i delegacionit të komisionit për punët e jashtme të parlamentit europian

Sondazh

Poll