Politike

“Krerët e UÇK-së akuzohen padrejtësisht”/ Albin Kurti: Serbia e Millosheviçit ka kryer krime kundër shqiptarëve, Vuçiç kërcënim për përsëritjen e tyre

17 shkurtin, Kurti e renditi këtë datë mes datave më të rëndësishme që shënjojnë historinë e Shqipërisë dhe Kosovës.

17 Shkurt 2026, 11:25 Nga D.S
“Krerët e UÇK-së akuzohen padrejtësisht”/
Kuvendi i Kosoves

KOSOVË- Kryeministri i Kosovës, Albin Kurti foli rreth procesit gjyqësor në Hagë të ish-krerëve të Ushtrisë Çlirimtare të Kosovës, duke thënë se ata po përballen me akuza të padrejta, vetëm sepse guxuan të merrnin armët për liri. 17 shkurtin, Kurti e renditi këtë datë mes datave më të rëndësishme që shënjojnë historinë e Shqipërisë dhe Kosovës.

Në fjalën e tij në kuvend, nuk munguan as akuzat ndaj Beogradit, duke thënë se krime kundër njerëzimit ndaj popullatës shqiptare ka kryer 'Serbia e Millosheviçit’, ndërsa theksoi se kërcënim për përsëritjen e tyre është 'Serbia e Vuçiçit".

“Më 17 shkurt u arrit një shkallë tjetër e lartë në përfaqësimin tonë në Ballkan dhe Evropë. Dita e sotme është ditë përkujtimi për ata që flijuan për lirinë. Ne kujtojmë vizionet e parealizuara të aktivistëve. Ne kujtojmë sot qëndresën paqësore të 1990, kujtojmë UCK-në. Përkulemi me nderim para dëshmorëve.

Ndërsa kujtojmë datën e shpalljes së republikës, brengosemi që krerët e UCK po akuzohen padrejtësisht sepse ata guxuan të marrin armët kundër një regjimi gjenocidal. Akuzat ndaj tyre nuk qëndrojnë. Ato nuk marrin parasysh kontekstin historik dhe politik të luftës tonë çlirimtarë. Krime kundër njerëzimit ndaj popullatës shqiptare ka kryer Serbia e Millosheviçit. Kërcënim për përsëritjen e tyre është Serbia e Vuçiçit”, tha Albin Kurti./Dosja.al

kosove albin kurti pavaresia e kosove

Sondazh

Poll

MË SHUMË