Aktualitet

Policia ‘far-west’ me bandën kriminale në Elbasan/ Arrestohen tre persona, sekuestrohen 45 kg kanabis, plagoset një oficer policie gjatë ndjekjes

Aksioni është realizuar nga Drejtoria Vendore e Policisë Elbasan në bashkëpunim me Drejtorinë Vendore të Policisë Shkodër dhe është finalizuar me sukses pranë mesnatës.

11 Shkurt 2026, 20:08 Nga E.d
Policia ‘far-west’ me bandën kriminale në Elbasan/
Foto ilustruse

ELBASAN- Një megaoperacion policor është zhvilluar në qytetin e Elbasanit. Kjo ka bërë të mundur goditjen e një grupi të strukturuar kriminal, që vepronte në fushën e trafikimit të lëndëve narkotike. Gjithashtu në kudër të kësaj janë arrestuar tre persona.

Aksioni është realizuar nga Drejtoria Vendore e Policisë Elbasan në bashkëpunim me Drejtorinë Vendore të Policisë Shkodër dhe është finalizuar me sukses pranë mesnatës. Në automjetin me të cilin po lëviznin tre personat e arrestuar, janë sekuestruar 45 kilogramë kanabis, një armë luftarake, municion, një sasi e konsiderueshme parash, si dhe disa telefona celularë me karta SIM shqiptare dhe të huaja.

Sipas informacioneve paraprake, operacioni është shoqëruar me ndjekjen e automjetit që dyshohej se transportonte lëndën narkotike. Në hyrje të qytetit të Elbasanit, drejtuesi i mjetit ka kuptuar se po ndiqej nga forcat e rendit dhe ka tentuar të largohej me shpejtësi. Kjo duke u futur në një rrugë të pandriçuar në një lagje periferike. Gjatë operacionit, një punonjës policie ka mbetur i plagosur aksidentalisht si pasojë e thyerjes së një xhami, por pa rrezik për jetën./Dosja.al

elbasan policia antidrogë

Sondazh

Poll

MË SHUMË