Aktualitet

U kapën duke kryer një grabitje, arrestohen katër shqiptarë në Francë

Shqiptarët e arrestuar u përkasin moshave  35, 21 dhe 19 vjeç.

4 Shkurt 2026, 15:41 Nga E.d
U kapën duke kryer një grabitje, arrestohen katër shqiptarë
Foto ilustruse

FRANCA- Katër shqiptarë janë arrestuar teksa po kryenin një grabitje në Tuluzë të Francës. Ata u tradhëtuan nga një detaj që lejoj policinë të bien gjurmët e tyre dhe t’i arrestonin në flagrancë.

Mediat franceze shkruajnë se ata u kapën duke vjedhur materiale metalike nga ambientet e Vinci Autoroutes ASF. Shqiptarët e arrestuar u përkasin moshave  35, 21 dhe 19 vjeç. Ata janë dërguar drejt ambianteve të paraburgimit, ndërsa pritet të dalin para drejtësisë franceze.

Artikulli i plotë nga ACTU TOULOUSE

Katër persona, një makinë, një gardh dhe disa kilogramë metal. Kjo ishte “receta” e një tentative grabitjeje që doli keq, këtë të martë më 3 shkurt 2026, për një grup shqiptarësh të vendosur të merrnin “plaçkën” e tyre: materiale metalike nga ambientet e Vinci Autoroutes ASF (autostradat e jugut të Francës).

Një tregues mjaft i qartë i lejoi agjentët e brigadës anti-krim në Tuluzë të bien gjurmët e tyre… dhe t’i arrestonin në flagrancë.

“Kishin ardhur qëllimisht për të marrë materiale, kryesisht metale,” tha një burim policor për Actu Toulouse, duke iu referuar vendit pranë rrethrrotullimit te Borderouge. Ishte ora rreth një e mëngjesit.

Pa u menduar dy herë, shqiptarët prenë gardhin që çonte në ambientet e vendit, për të hyrë brenda. Tabela alumini, bateri automjetesh: hop, hop, të gjitha futen në çanta. Pa u shqetësuar nga kamerat e sigurisë, të cilat po monitoroheshin live nga një kompani sigurie…

Menjëherë, agjentët e sigurisë kontaktojnë policinë, duke aktivizuar ardhjen e BAC (Brigada Anti-Kriminalitet). “Kur mbërritën, monitoruan vendin në heshtje dhe panë gardhin e dëmtuar që hapte drejt rrethores,” shpjegon burimi ynë.

Por vrima në gardh çonte direk te një makinë, e parkuar në zonën e emergjencës. Bingo: ishte makina e shqiptarëve, ku ata po përgatiteshin të ngarkonin plaçkën e grabitur.

Kjo i tronditi shqiptarët. Të moshave 35, 21 (dy prej tyre) dhe 19 vjeç, të gjithë u ndaluan nga BAC dhe u vendosën në paraburgim./Dosja.al

franca katër shqiptarë vjedhje

Sondazh

Poll

MË SHUMË