Aktualitet

 Ndihmonin emigrantët të kalonin ilegalisht kufijtë, arrestohen tre persona nga Sudani në Korçë

Ata u kapën në një banesë të braktisur, në fshatin Qatrom, ku ishin fshehur për të shmangur shërbimet e Policisë, së bashku me 16 emigrantët që kishin ndihmuar për të kaluar ilegalisht, kufirin e gjelbër në PKK Kapshticë.

4 Shkurt 2026, 15:06 Nga E.d
 Ndihmonin emigrantët të kalonin ilegalisht kufijtë,
Foto ilustruse

KORÇË- Drejtoria e kufirit në Korçë ka arrestuar tre persona nga Sudani. Ata u arrestuan nga forcat blu, pasi ndihmonin emigrantët të kalonin ilegalisht kufijt, kundrejt parave.

Ata u kapën në një banesë të braktisur, në fshatin Qatrom, ku ishin fshehur për të shmangur shërbimet e Policisë, së bashku me 16 emigrantët që kishin ndihmuar për të kaluar ilegalisht, kufirin e gjelbër në PKK Kapshticë.

Njëri prej tyre rezulton të jetë i dënuar nga autoritetet shqiptare për të njëjtën vepër penale. Policia po heton më shumë mbi rastin.


Njoftimi i policisë:

Si rezultat i hetimeve dhe punës operacionale intensive, të kryera me qëllim parandalimin dhe goditjen e veprimtarisë kriminale të dhënies ndihmë, kundrejt parave, emigrantëve që synojnë të shkojnë në mënyrë të kundërligjshme, në shtete të BE-së, u finalizuan në 24 orë, operacionet “Rikthimi” dhe “Itinerari”.

Gjatë operacionit “Rikthimi”, u vunë në pranga shtetasit H. A., 27 vjeç dhe M. H., 20 vjeç (i dëbuar më parë, nga Republika e Shqipërisë, pasi u ndalua për të njëjtin krim), sepse si rezultat i ndjekjes disaditore, nga shërbimet e Policisë Kufitare të DVKM Korçë, u kapën në një banesë të braktisur, në fshatin Qatrom, ku ishin fshehur për të shmangur shërbimet e Policisë, së bashku me 16 emigrantët që kishin ndihmuar për të kaluar ilegalisht, kufirin e gjelbër në PKK Kapshticë.

Gjatë operacionit “Itinerari”, i cili u zhvillua nga Policia Kufitare e DVKM  Korçë në bashkëpunim me shërbimet e DVP Korçë, u kap dhe u vu në pranga  shtetasi M. H., 30 vjeç, pasi dyshohet se ka ndihmuar 15 emigrantë, për të kaluar ilegalisht, kufirin e gjelbër në PKK Kapshticë. Emigrantët u kapën në territorin e fshatit Drenovë.

Punohet për identifikimin dhe nxjerrjen përpara përgjegjësisë penale, të shtetasve të tjerë të përfshirë në këto raste. Materialet procedurale iu referuan Prokurorisë së Korçës, për veprime të mëtejshme./Dosja.al

policia korçë 3 persona

Sondazh

Poll

MË SHUMË