Aktualitet

 Vinin baste sportive përmes celularëve në një lokal të Lezhës, arrestohet një person dhe nis hetimi për një tjetër

 Nga kontrollet e ushtruara u sekuestruan 2 aparate celularë, të cilët përdoreshin për zhvillimin e paligjshëm të lojërave të fatit, në cilësinë e provës materiale. 

25 Janar 2026, 14:11 Nga E.d
 Vinin baste sportive përmes celularëve në një
Foto ilustruse

LEZHË- Policia ka arrestuar ditën e sotme një person në qytetin e Lezhës. Ai u arrestua nga policia, pasi u kap duke vënën baste sportive. Nga kontrollet e ushtruara u sekuestruan 2 aparate celularë, të cilët përdoreshin për zhvillimin e paligjshëm të lojërave të fatit, në cilësinë e provës materiale. 

Njoftimi i policisë 

"Shërbimet e Komisariatit të Policisë Lezhë finalizuan operacionin policor të koduar “Kontrolli”, në kuadër të kontrolleve për parandalimin dhe goditjen e veprimtarisë së paligjshme të lojërave të fatit, duke konstatuar raste të zhvillimit të basteve sportive përmes aparateve celularë, në disa ambiente në qytetin e Lezhës.

Gjatë veprimeve operative, në një ambient (lokal), u konstatuan dy shtetas duke ushtruar këtë veprimtari të paligjshme. Në vijim, u arrestua në flagrancë shtetasi S. B., 32 vjeç, banues në Lezhë, ndërsa shtetasi L. R., 31 vjeç, banues në Lezhë, u procedua penalisht. Nga kontrollet e ushtruara u sekuestruan 2 aparate celularë, të cilët përdoreshin për zhvillimin e paligjshëm të lojërave të fatit, në cilësinë e provës materiale. Materialet proceduriale iu referuan Prokurorisë Lezhë, për veprime të mëtejshme./Dosja.al

lezha baste sportive policia

Sondazh

Poll

MË SHUMË