Aktualitet

EMRAT/ Çonin klandestinë në SHBA e Kanada duke përdorur dokumente të falsifikuara kundrejt 35 mijë eurove, Prokuroria dërgon në gjyq 6 të pandehurit!

Hazir Maçi dyshohet se ka falsifikuar dokumente dhe ka ndihmuar në kalimin e paligjshëm të kufijve, duke përdorur edhe dy numra telefonikë nga paraburgimi për të komunikuar me bashkëpunëtorët e tij. 

25 Janar 2026, 13:45 Nga E.d
EMRAT/ Çonin klandestinë në SHBA e Kanada duke përdorur
Foto ilustruse

TIRANË- Prokuroria e Tiranës ka përfunduar hetimet dhe ka dërguar në gjyq gjashtë persona për falsifikim dokumentesh dhe ndihmë në kalim të paligjshëm të kufijve. Konkretish për gjykim janë dërguar Hazir Maçit, Lejla Maçit, Çerkez Nikoçit, Ardjan Piranit, Alfred Maçit dhe Endrit Nezaj.

Ata akuzohen se mundësonin kalim të paligjshëm drejt SHBA-ve, duke përdorur dokumente të falsifikuara në këmbim të 35 mijë eurove. Hazir Maçi dyshohet se ka falsifikuar dokumente dhe ka ndihmuar në kalimin e paligjshëm të kufijve, duke përdorur edhe dy numra telefonikë nga paraburgimi për të komunikuar me bashkëpunëtorët e tij. 

Lejla Maçi, bashkëshortja e tij ka marrë pjesë në udhëtimet dhe organizimin e procesit, duke përfshirë edhe vëllain e saj, Ardjan Pirani në menaxhimin e porosive të udhëtimit. Endrit Neziraj i punësuar pranë agjencisë turistike, ka ndihmuar duke i vënë në disposicion foto të dokumentave të dy 2 të huajve, me qëllim Hazir Maçi të mundësonte kalimin e shtetasve të ndryshëm duke përdorur dokumenta model. 

Çerkez Nikoçi, i cili ishte , shofer automjeti, ka transportuar dokumente të falsifikuara. Ndërsa Alfred Maçi akuzohet për veprën penale “Ndihma për kalim të paligjshëm të kufijve”. Kjo pasi ai vendoste në dispozicion Hazir Maçit të dhënat e pasaportës/pasaportën e tij Britanike si model për të prodhuar dokumenta të tjera të falsifikuara.

Njoftimi i Prokurorisë:

Prokuroria pranë Gjykatës së Shkallës së Parë të Juridiksionit të Përgjithshëm Tiranë ka përfunduar hetimet dhe ka dërguar në gjyq gjashtë persona për falsifikim dokumentesh dhe ndihmë në kalim të paligjshëm të kufijve, në kuadër të një skeme që synonte drejtimin e shqiptarëve drejt Shteteve të Bashkuara të Amerikës kundrejt pagesës 35,000 euro.

Të pandehurit janë: H.M., L.M., A.P., C.N., A.M. dhe E.N. Hetimet kanë treguar se H.M., i hetuar më parë për aktivitete të ngjashme, ka organizuar kalimin e disa shtetasve shqiptarë përmes Karaibeve dhe Porto Rikos, duke përdorur dokumente të falsifikuara për të arritur në SHBA dhe Kanada.

“H.M. dyshohet se ka falsifikuar dokumente dhe ka ndihmuar në kalimin e paligjshëm të kufijve, duke përdorur edhe dy numra telefonikë nga paraburgimi për të komunikuar me bashkëpunëtorët e tij.

L.M., bashkëshortja e tij, ka marrë pjesë në udhëtimet dhe organizimin e procesit, duke përfshirë edhe vëllain e saj, A.P., në menaxhimin e porosive të udhëtimit.

E.N., punonjës i një agjencie turistike, ka ndihmuar duke vënë në dispozicion foto të dokumenteve të huaj për prodhimin e dokumenteve false.

C.N., shofer automjeti, ka transportuar dokumente të falsifikuara.

A.M. ka dhënë pasaportën e tij britanike si model për prodhimin e dokumenteve të tjera për kalime të paligjshme.

Prokuroria tha se të pandehurit do të gjykohen për veprat penale të “Falsifikim i letërnjoftimeve, pasaportave ose vizave”, “Falsifikim i dokumentit” dhe “Ndihma për kalim të paligjshëm të kufijve”, si dhe për “Futja ose mbajtja e sendeve të ndaluara në institucionin e ekzekutimit të vendimeve me burgim”, në rastin e H.M.

Materialet janë dërguar pranë gjykatës për veprime të mëtejshme ligjore.

prokuroria e tiranës shba kanada

Sondazh

Poll

MË SHUMË