Sport

Nga Anglia: Aston Villa synon Loftus-Cheek për të zëvendësuar Kamaran e dëmtuar...

Emery thuhet se i ka kërkuar klubit të bëjë një përpjekje transferimi për të arritur objektivat e tij sezonale, dhe Loftus-Cheek duket si zgjedhja perfekte.

21 Janar 2026, 15:30 Nga DOSJA

Nga Anglia: Aston Villa synon Loftus-Cheek për të

ANGLI - Ka pasur shumë diskutime për Lazion, por një rikthim në Angli mund të jetë e ardhmja e Ruben Loftus-Cheek.

Siç raporton sot The Telegraph, Aston Villa thuhet se ka kërkuar që ish-mesfushori i Chelseat të zëvendësojë Boubacar Kamara, i cili dëmtoi gjurin kundër Tottenham dhe do të jetë jashtë fushave deri në fund të sezonit, duke i detyruar Villans të rikthehen në tregun e transferimeve.

Emery i ka përshtatur lojtarët e disponueshëm deri më tani, por thuhet se i ka kërkuar klubit të bëjë një përpjekje transferimi për të arritur objektivat e tij sezonale, dhe Loftus-Cheek duket si zgjedhja perfekte.

Për AC Milan, i cili pagoi 21.5 milionë euro për të në vitin 2023 dhe për të cilin ka luajtur 19 herë këtë vit në ligë, Kupë të Italisë dhe Superkupë, ai është i rëndësishëm, por jo i pashitshëm. Edhe pse lojtari kohët e fundit deklaroi dëshirën e tij për të qëndruar me kuqezinjtë, oferta e Aston Villa mund t'ia ndryshojë mendjen.

Megjithatë, nevojitet oferta e duhur: “Djajtë” kërkojnë 15 milionë, por mund të pajtohen me edhe me më pak, pasi për të shmangur një humbje kapitale do të duhet të mbledhin rreth 8.5 milionë euro nga shitja e tij e mundshme.

B.T (Dosja.al)

Sondazh

Poll

MË SHUMË