Politike

"Katër të vrarë ende nuk prehen dot në paqe"/ Rama kujton 21 janarin: Një krimi shtetëror të pashembullt në historinë e demokracisë së re shqiptare

Me anë të një postimi në llogarinë e tij në Facebook, kryeministri u shpreh se, 4 të vrarët ende nuk po prehen dot në paqe, ndërsa e krahason drejtësinë si 'një breshke që lutet për harresë'.

21 Janar 2026, 08:24 Nga D.S
"Katër të vrarë ende nuk prehen dot në paqe"/ Rama
Foto nga protesta

TIRANË- Kryeministri Edi Rama ka përkujtuar sot 15 vjetorin e protestës së përgjakshme të 21 janarit 2011, ku u vranë 4 protestues. Me anë të një postimi në llogarinë e tij në Facebook, kryeministri u shpreh se, 4 të vrarët ende nuk po prehen dot në paqe, ndërsa e krahason drejtësinë si 'një breshke që lutet për harresë'. Poashtu Rama shkruan me bindjen se, sado të vonojë drejtësia për 21 janarin nuk do të harrojë.

“Sot, në 15-vjetorin e një krimi shtetëror të pashembullt në historinë e demokracisë së re shqiptare, kur katër të vrarë ende nuk prehen dot në paqe dhe drejtësia i ngjan një breshke që lutet për harresë, me bindjen që sado të vonojë drejtësia për 21 janarin nuk do të harrojë, ju uroj të gjithëve një ditë të mbarë”, shkruan Rama.

Çfarë ndodhi më 21 janar 2011?

Më 21 janar 2011, në një protestë të organizuar nga Partia Socialiste, asokohe në opozitë, u vranë nga Garda e Republikës 4 protestuesit Ziver Veizi, Faik Myrtaj dhe Hekuran Deda dhe Aleks Nika. Kryeministri i kohës, Sali Berisha deklaroi se opozita kishte përgatitur një "grusht shteti" për të rrëzuar qeverinë, ndërsa opozita akuzoi qeverinë se vrau 4 qytetarë të pafajshëm.

Në hetimin që u bë për vrasjen e protestuesve, të pandehur u morën Ndrea Prendi dhe Agim Llupo, ndërsa gjykata vlerësoi me vendim se vrasjet kanë ndodhur nga pakujdesia. Të dy të pandehurit u dënuan, ish-komandanti i Gardës, Ndrea Prendi me 1 vit ndërsa gardisti Agim Llupo me 3 vite burg. Por një publikim i ri ka dalë në dritë 12 vite pas ngjarjes. Gazetari Artan Hoxha publikoi audiopërgjimet e shërbimeve të huaja ku zbardhet urdhëri i marrë për të hapur zjarr ndaj protestuesve./Dosja.al

21 janari 2011 protestuesit e ps edi rama

Sondazh

Poll

MË SHUMË