Aktualitet

VIDEO+ EMRI/ Transportonte ilegalisht 6 emigrantë nga Egjipti drejt vendeve të BE! Arrestohet 31-vjeçari nga Kukësi

Sipas njoftimit të policisë, Kreshnik Gaxha, banues në Kukës, u kap në flagrancë pasi në automjetin që drejtonte, në rrugën e vjetër të Rinasit, ishin 6 emigrantë nga Egjipti. 

19 Janar 2026, 13:45 Nga D.S
VIDEO+ EMRI/ Transportonte ilegalisht 6 emigrantë nga Egjipti drejt vendeve
Foto nga vendngjarja

TIRANË- Policia e Tiranës ka arrestuar një 31-vjeçar nga Kukësi pasi asistoi në transportimin e jashtëligjshëm të gjashtë personave egjiptian. Sipas njoftimit të policisë, Kreshnik Gaxha, banues në Kukës, u kap në flagrancë pasi në automjetin që drejtonte, në rrugën e vjetër të Rinasit, ishin 6 emigrantë nga Egjipti. 

Uniformat blu bëjnë me dije se, i akuzuari dyshohey se transportonte emigrantë, kundrejt pagesave, nga Tirana drejt Kukësit, me qëllim kalimin ilegal, fillimisht në Kosovë dhe më pas në shtete të BE-së. U sekuestruan automjeti me të cilin transportoheshin emigrantët, dhe 2 celularë. Ndërkohë, vijojnë hetime për të identifikuar dhe nxjerrë përpara përgjegjësisë penale persona të tjerë që mund të jenë përfshirë në këtë rast.

Njoftimi i policisë:

"Tiranë/Finalizohet pas 1 muaji hetim me metoda speciale, operacioni i koduar “Relay 3”, për goditjen e veprimtarisë kriminale të dhënies ndihmë shtetasve të huaj, për kalim të paligjshëm të kufijve. Transportonte drejt Kukësit, nëpërmjet rrugës së vjetër të Rinasit, 6 emigrantë nga Egjipti, që synonin të kalonin ilegalisht, në shtetet e BE-së, arrestohet 31-vjeçari. Sekuestrohen automjeti me të cilin transportoheshin emigrantët, dhe 2 celularë.

Specialistët e Seksionit për Hetimin e Trafiqeve të Paligjshme, si rezultat i një hetimi njëmujor, të ndjekur me metoda speciale, në koordinim me Prokurorinë e Tiranës, për të dokumentuar veprimtarinë kriminale të një shtetasi që dyshohej se transportonte emigrantë, kundrejt pagesave, nga Tirana drejt Kukësit, me qëllim kalimin ilegal, fillimisht në Kosovë dhe më pas në shtete të BE-së, finalizuan fazën e tretë të operacionit “Relay”.

Gjatë operacionit u kap autori i dyshuar i kësaj veprimtarie kriminale, shtetasi K. G., 31 vjeç, banues në Kukës. Në automjetin që drejtonte ky shtetas, në rrugën e vjetër të Rinasit, ishin 6 emigrantë nga Egjipti. Në bashkëpunim me Prokurorinë, vijojnë hetime për të identifikuar dhe nxjerrë përpara përgjegjësisë penale, shtetas të tjerë që mund të jenë përfshirë në këtë rast. Materialet procedurale iu referuan Prokurorisë së Tiranës, për veprime të mëtejshme."/Dosja.al 

 

 

kukes transportonte ilegalisht 6 emigrantë nga egjipti drejt vendeve të be ne pranga 31-vjeçari

Sondazh

Poll

MË SHUMË