Aktualitet

Goditet një rast i shitjes së lëndëve narkotike/ Tregtonte kanabis të ndarë me doza në Fier, arrestohet 49-vjeçari

Sipas uniformave blu, Hamza Muho, banues në Patos, tregtonte drogë në qytetin e Fierit dhe në Patos në ambjentet e një lokali.

19 Janar 2026, 13:09 Nga D.S
Goditet një rast i shitjes së lëndëve narkotike/ Tregtonte
foto nga vendngjarja

FIER- Policia e Fierit ka vënë në pranga një 49-vjeçar pasi u kap në flagrancë duke shitur lëndë narkotike. Sipas uniformave blu, Hamza Muho, banues në Patos, tregtonte drogë në qytetin e Fierit dhe në Patos në ambjentet e një lokali.

Gjatë kontrollit fizik , atij iu gjetën dhe iu sekuestruan doza/sasi kanabisi. Policia njofton se, hetimet vijojnë për zbardhjen e rasteve të tjera kundër tregut të lëndëve narkotike.    

Njoftimi i policisë:

Fier/Vijon operacioni i koduar “New Start 3”.Goditet një tjetër rast i shitjes së lëndëve narkotike, në doza. Kapet në flagrancë dhe vihet në pranga 1 shtetas që shiste doza kanabisi, në Fier dhe në Patos. Gjatë kontrollit fizik dhe kontrollit në banesën e tij, u gjetën dhe u sekuestruan doza/sasi kanabisi.   

Specialistët për Hetimin e Narkotikëve të DVP Fier, në bashkëpunim me Komisariatin e Policisë Fier, në vijim të kontrolleve të njëpasnjëshme të kryera në kuadër të operacionit të koduar “New Start 3”, për goditjen e rasteve të shitjes së lëndëve narkotike, kanë goditur një tjetër rast të kësaj veprimtarie kriminale. Për këtë rast, u vu në pranga shtetasi Hamza Muho, 49 vjeç, banues në Patos, i cili u kap në flagrancë me doza kanabisi, në një lokal./Dosja.al 

hamza muho tregtonte kanabis të ndarë me doza në fier arrestohet 49-vjeçari fier

Sondazh

Poll

MË SHUMË