Aktualitet

"Më vrau djalin në mes të rrugës"/ Vrasja e Santiago Malkos! Nëna e viktimës kërkon dënim me vdekje për Leonard Dukën

Avokatja mbrojtëse e Dukës,  Melina Gjeta e cilësoi kërkesën e SPAK si të pabazuara në ligj,pasi sipas saj, dosja hetimore përmban vetëm elemente të një procesi të paplotë dhe të mbështetur kryesisht në burime mediatike.

19 Janar 2026, 11:52 Nga D.S
"Më vrau djalin në mes të rrugës"/ Vrasja e
Santiago Malko dhe Leonard Duka

TIRANË- GJKKO pritet të shpallë më 21 janar, në orën vendimin për çështjen ndaj Leonard Dukës, për të cilin SPAK ka kërkuar dënimin me 32 vite burg. Avokatja mbrojtëse e Dukës, Melina Gjeta e cilësoi kërkesën e SPAK si të pabazuara në ligj,pasi sipas saj, dosja hetimore përmban vetëm elemente të një procesi të paplotë dhe të mbështetur kryesisht në burime mediatike.

Avokatja Gjeta kundërshtoi motivin e pretenduar të vrasjes, duke theksuar se dy plagosjet për të cilat dyshohet se kanë lidhje me viktimën, janë ende pa autor. Sipas saj, prokuroria nuk mund të përcaktojë autorësi në një kohë ku nga organet kompetente nuk kanë zbardhur pistën e plotë. Gjeta, vuri gjithashtu në dyshim dëshminë e Blendi Tetës, duke theksuar se ai ka deklaruar para gjykatës se është kërcënuar dhe vënë nën presion nga uniformat blu dhe kjo sipas avokates përbën shkelje të rënda ligjore duke hedhur poshtë dëshminë.

Gjatë seancës, u kundërshtua edhe përdorimi i transkripteve të aplikacionit Sky, të cilat mbrojtja i cilësoi si prova të paligjshme, që cenojnë lirinë dhe fshehtësinë e korrespondencës. Sipas saj, përgjimi nga autoritetet franceze ka qenë masiv dhe jo i orientuar.  Ndërsa Leonard Duka ka deklaruar para gjykatës se nuk ka përdorur aplikacionin Sky. Nëna e viktimës Santiago Malko, deklaroi para gjykatës se Duka është përgjegjës për vrasjen e djalit të saj. Ajo kërkoi dënimin maksimal për të akuzuarin, duke shtuar se kërkon dënim me vdekje.

“Leonard Duka më ka vrarë djalin. Me solli Erlis Dukën dhe Ilir Selmanin dhe më tha që s’kam gjë me Santin, por doli e më vrau djalin në mes të rrugës. Unë nuk dua dënim të përjetshëm, dua dënim me vdekje për këtë.”, tha nëna e Malkos.

Si ndodhi ngjarja?

Ish-polici Santiago Malko u ekzekutua mbrëmjen e 27 gushtit në zonën e “Xhamllikut” në Tiranë, në makinën e tij tip “BMë X5”. I skeduar për një sërë ngjarjesh kriminale, Malko kishte hyrë edhe në administratën shtetërore. Për vrasjen e Malkos, prokuroria akuzoi tetë persona, ku në krye të grupit janë dy vëllezërit Duka, Leonardi dhe Erlisi. Klani Duka, i akuzuar për vrasjen përbëhet nga: Leonard Duka, Erlis Duka, Ilir Selmani, Ervis Metani, Fatmir Hyseni, Dritan Agaj, Aleksandër Maxhaku dhe Xhoni Nica./Dosja.al

santiago malko leonard duka gjkko spak

Sondazh

Poll

MË SHUMË