Politike

"Çfarë nuk po thonë edhe për mua!"/ Salianji ndaj kolegëve të PD-së: Flet frika të dashur miq, dhe jo arsyeja e tyre.

Sipas tij, shqiptarët do të na urrejnë të gjithëve ne që drejtojmë PD, nëse PD nuk bën të mundur rrotacionin. 

18 Janar 2026, 18:50 Nga D.S
"Çfarë nuk po thonë edhe për mua!"/ Salianji
Ervin Salianji

LEZHË- Ish-deputeti, Ervin Salianji iu drejtua kolegëve të tij duke u shprehur se, njerëzit e trembur nga humbja e privilegjeve të pushtetit të opozitës çfarë nuk do thonë. Sipas tij, shqiptarët do të urrejnë të gjithë drejtuesit e PD, nëse PD nuk bën të mundur rrotacionin. Salianji theksoi se, liderishipi i PD-së nuk po zgjohet ende pavarësisht takimeve masive që po bëjmë në çdo qark.

"Ne kemi një përgjegjësi historike për të punuar natë e ditë për rrotacionin. Shqiptarët dhe demokratet do të na urrejnë të gjithëve ne që drejtojmë PD, nëse  PD nuk bën të mundur rrotacionin dhe ndryshimin. Padiskutim me votë, me ndihmën e drejtësisë, me ndihmën e partnerëve ndërkombëtarë, të SHBA, të Britanisë së madhe të BE-së. Por liderishipi i PD-së nuk po zgjohet ende pavarësisht takimeve masive që po bëjmë në çdo qark dhe ky është një problem që në duhet ta themi.

E keni dëgjuar që guximi për të thënë marrëzira i ka çuar deri aty që çfarë nuk thonë për demokratët e jashtëzakonshëm që mbushin sallat në çdo cep të Shqipërisë dhe që kërkojnë që PD të jetë fituese. Çfarë nuk po thonë edhe për mua. Nuk ka gjë. Mos u mërzisni, njerëzit e trembur nga humbja e privilegjeve të pushtetit të opozitës çfarë nuk do thonë. Flet frika të dashur miq, dhe jo arsyeja e tyre.", tha Salianji./Dosja.al

ervin salianji salinji ne lezhe pd

Sondazh

Poll