Politike

Berisha: Administrata po dërgon një fluks të madh denoncimesh tek Arben Ahmetaj dhe kjo e ka tmerruar Edi Ramën

Gjatë fjalës së tij në mbledhjen e grupit parlamentar të PD, Berisha u shpreh se PD nuk vjen në qeveri me dhunë.

15 Janar 2026, 14:39 Nga E.d
Berisha: Administrata po dërgon një fluks të madh denoncimesh tek
Foto ilustruse

TIRANË- Kreu i Partisë Demokratike, Sali Berisha ka deklaruar ditën e sotme se administrata po dërgon një fluks të madh denoncimesh tek Arben Ahmetaj dhe kjo e ka tmerruar Edi Ramën. Gjatë fjalës së tij në mbledhjen e grupit parlamentar të PD, Berisha u shpreh se PD nuk vjen në qeveri me dhunë.

Lideri i opozitës tha se Partia Demokratike do të hapë rrugën për votën e lirë të shqiptarëve dhe veprimin e ligjit dhe Kushetutës. Berisha deklaroi se opozita ka caktuar datën e protestës më të fuqishmen që ka parë ndonjëherë Tirana.

“PD nuk vjen në qeveri me dhunë, kurrë. Por Partia Demokratike do të hapë rrugën për votën e lirë të shqiptarëve dhe veprimin e ligjit dhe Kushetutës. Nuk ka ndodhur kurrë. Prisni, kanë dalë aferat. Por dosjet që paraqiti Arben Ahmetaj, ta dini ju, administrata dhe i përgëzoj, po dërgon në Lugano, një fluks të madh informacionesh, dokumentesh. Dhe kjo e ka tmerruar. Njëherë thotë e kam nga Damiani.

Njëherë thotë e kam nga Spiropali, paçka se bëhet edhe shkruesi i saj. I shkruan tekstet Elisës, por kjo nuk ka rëndësi se janë punët e tyre. Pra në të gjitha këto, gjithçka presin nga ne, nga opozita. Qytetarët me të drejtë presin nga opozita dhe ne nuk do ti zhgënjejmë.

Ne kemi caktuar një datë proteste të fuqishme, më të fuqishmen që ka parë ndonjëherë Tirana. Por ne jemi betuar, kemi bërë betimin tonë që do vazhdojmë këtë betejë, gjer na largimin e plotë nga pushteti të këtij kryehajduti që kombi nuk e ka të regjistruar kurrë ndonjëherë në histori. Faleminderit!” tha Berisha./Dosja.al

 

arben ahmetaj edi rama sali berisha

Sondazh

Poll

MË SHUMË